2013年清境、台北自由行 – Day 1 (Part 2)：再游逢甲夜市

系酒店安顿好后，先到附近行一行。台中公园智选假日酒店距离台中火车站唔远，步行10分钟就到台中火车站附近嘅中正路一带嘅商业购物区。

酒店附近嘅街道，建筑物大部份都比较旧，街上亦唔算热闹。

系继光街见到呢间食绵冰嘅舖头，先入去食碗绵冰解解暑，不过味道同口感唔系好得。

中正路一带系台中火车站附近嘅商业购物区，呢度比台中公园果边热闹好多。

行行下系中山路同绿川东街交界见到有好多人排队，原来系排队买雪糕。咁多人排应该好好味。不过因为实在排队嘅人太多，所以决定听日系清境返台中之后先试。味道系唔系真系咁得？Day 2行程话你知。

呢间舖头嘅名叫宫原眼科。？唔通系眼科诊所？唔系，呢间其实系一间手信店。个名咁怪以为系日本舖头，但其实又唔系㖞。

呢间嘢卖嘅主要都系凤梨酥、太阳饼呢D台湾手信，不过包装好搅嘢，但就冇得试食，都唔知好唔好味。不过因为俾佢D包装吸引，都打算买返D黎做手信，但系因为听日仲会返台中，所以决定到时先买。最好有冇买？味道得咁得？Day 2行程话你知。

系台中火车站附近行到黄昏时候，决定去逢甲夜市扫街。因为系台中坐公共汽车用悠游卡好着数，而且系台北亦都要用到佢，所以先去7-11买张悠游卡。不过系7-11买嘅悠游卡系特别版，要额外俾NT$100卡费，唔似系台北捷运站买悠游卡咁可以退返按金。不过因为都冇打算cancel张卡，所以都冇咩所谓啦。

去逢甲夜市嘅公共汽车车站系台中火车站前面，坐25路或者35路公共汽车都可以，系逢甲大学站落车就系，因为晚间路上少车，所以车程只系大约半小时。

用悠游卡系上车同落车果阵要各嘟一次卡，系台中市内如果短程可以免费，不过远程都有平，我地由台中火车站去逢甲大学站都系NT$3。

因为系星期日关系，逢甲夜市嘅游人明显比上年黎果次多好多。

第一时间先买件大肠包小肠食先，好味

跟住继续一路行、一路食、一路买……

行完夜市坐返车返酒店休息。返上酒店前系附近便利店买定小食，准备听日系去清境嘅车上食，仲买左呢只温泉蛋，味道唔错。

– Day 1 完 –

Related posts:

• 台北酒店推介(Part 1) – 西门町附近10间精选酒店住宿推荐
• 台北酒店推介(Part 2) – 台北车站附近10间精选酒店住宿推荐
• 台北中山区酒店推介
• 台北廉价住宿推介
• 台中酒店推介
• 台湾清境民宿推介
• 住@台北西门町薆悦酒店(inHouse Hotel)
• 住@台北西门町头等舱饭店(Airline Inn)
• 住@台北宝格利时尚旅馆(Burgary Hotel)
• 住@台北丹迪旅店-天津店(Dandy Hotel Tianjin)
• 住@台北馥敦饭店-复北馆(Fullerton Hotel North)
• 住@北投俩人旅店(Hotel Double One)
• 住@台中碧根行馆(Beacon Hotel)
• 住@台中公园智选假日酒店
• 住@清境香格里拉音乐城堡
• 台湾iTaiwan免费Wifi开放游客申请
• 如何申请台湾7-11 免费wifi帐号
• 2013年清境、台北自由行：
  • Day 1 (Part 1)：直飞台中
  • Day 1 (Part 2)：再游逢甲夜市
  • Day 2 (Part 1)：震后上清境
  • Day 2 (Part 2)：清境农场数绵羊
  • Day 2 (Part 3)：清境农场观山牧场
  • Day 3 (Part 1)：清境云海
  • Day 3 (Part 2)：清境小瑞士花园
  • Day 3 (Part 3)：台北西门町
  • Day 4 (Part 1)：从捷运行天宫站步行到上引水产
  • Day 4 (Part 2)：上引水产
  • Day 5：第一次北投浸温泉
  • Day 6：旅程结束