2013年清境、台北自由行 – Day 2 (Part 2):清境农场数绵羊
上回讲到我地系香格里拉空中花园坐佢地嘅顺风车去清境农场。清境全境都系山地,除左有一条沿山边而建嘅公路之外,其余都系山间小路,而且各处之间嘅距离绝对唔近。所以有架车会方便好多,如果唔系真系行都行死。
香格里拉空中花园个哥哥仔目送我地落车之后就自己返去啦,当然回程系冇得接返架,点样返去就自己谂掂佢。
农场门口旁边有个售票处,我地系南投客运已经买左包括清境农场入场券嘅套票,所以唔需要另外再买飞。
清境农场分为青青草原同观山牧区两个园区,我地落车地点系青青草原嘅北边入口。
因为青青草原同观山牧区之间系分开,游览完青青草原之后要离开园区再从另一个入口进入观山牧区,所以需要系手背上盖返个印证明你已经买左飞。
顾名思义,青青草原就系一片大草地,不过因为呢度系山地,所以唔系一望无际嘅草原,而系山坡上嘅草地。
首先去入口附近嘅绵羊城堡。
山上嘅天气真系变幻莫测,转下眼周围已经被浓雾遮蔽,不过好快又散晒。
绵羊城堡展示绵羊嘅生活情况,不过周围有好大臭味。
青青草原面积唔算好大,离开绵羊城堡无几远就系绵羊秀嘅表演场地。
时间夹得啱啱好,行到黎个show正准备开始。开show之前会放D绵羊周围走,等大家可以近距离影下相,亲近下佢地,不过佢地D体味真系……
开show啦。个show分为两部份,第一part系牧羊犬赶绵羊,跟住第二part系剪羊毛。另外仲有D请现场观众上去玩嘅娱兴节目。
完show之后,D绵羊又可以通山走啦。
>> Day 2 未完,待续……
Related posts:
- 台北酒店推介(Part 1) – 西门町附近10间精选酒店住宿推荐
- 台北酒店推介(Part 2) – 台北车站附近10间精选酒店住宿推荐
- 台北中山区酒店推介
- 台北廉价住宿推介
- 台中酒店推介
- 台湾清境民宿推介
- 住@台北西门町薆悦酒店(inHouse Hotel)
- 住@台北西门町头等舱饭店(Airline Inn)
- 住@台北宝格利时尚旅馆(Burgary Hotel)
- 住@台北丹迪旅店-天津店(Dandy Hotel Tianjin)
- 住@台北馥敦饭店-复北馆(Fullerton Hotel North)
- 住@北投俩人旅店(Hotel Double One)
- 住@台中碧根行馆(Beacon Hotel)
- 住@台中公园智选假日酒店
- 住@清境香格里拉音乐城堡
- 台湾iTaiwan免费Wifi开放游客申请
- 如何申请台湾7-11 免费wifi帐号
- 2013年清境、台北自由行:
谢谢回复!
吾好意思…你仲记吾记得清境农场你地行左几耐?
我地系清境农场total用左大约2.5小时, 其中系青青草原用左大约80分钟, 包括睇左个绵羊show, 另外系青青草原同观山牧场之间有个小食区, 系呢度食野再加埋系观山牧场行左一圈用左约1小时, 不过系观山牧场冇睇show.