2014年复活节高雄、台南之旅 – Day 3:高雄打狗英国领事馆、旗津、驳二艺术特区、梦时代
寻日去完台南,今日就留返系高雄玩,主要去左打狗英国领事馆、旗津、驳二艺术特区以及梦时代购物商场。
打狗英国领事馆位于高雄西子湾,坐的士去会先经过高雄港。
今日天气仲晒过寻日,好热~~~
打狗英国领事馆就系小山上面
上去要爬好多级楼梯
上到去睇住个一望无际嘅蓝海,景色一流,辛苦D都值得。
领事馆旁边仲有间庙
入场券每人66蚊新台币
打狗英国领事馆主要系呢座红砖建筑
有部份地方用左黎做餐厅,唔帮衬冇得入去。
室内仲有个展览室,展出旧时附近嘅地形同船只。
领事馆里面仲有导游讲解建筑物嘅历史
打狗英国领事馆可以远眺高雄港景色
打狗英国领事馆所在的西子湾同对岸嘅旗津岛之间嘅狭窄水道系船只进出高雄港嘅航道,不断有大型货轮进出,感觉就好似系身边驶过一样。
想更近距离感受大船系身边驶过嘅情景,可以到山上海边。
呢度有自助租自行车机
游览完打狗英国领事馆下一站系去鼓山轮渡站坐渡船过去旗津岛,打狗英国领事馆同鼓山轮渡站被一条水道分隔,以前要坐车先去到,但系而家系水道上面起左条行人天桥,可以行过去。由打狗英国领事馆行去鼓山轮渡站路程大约600几米,行10分钟就到,不过开头一段冇行人路,行嘅时候要小心来车啊。
原来打狗英国领事馆除左山上,山下都仲有一part,用同一张入场券可以入去。
山上同山下之间有楼梯连接
继续向鼓山轮渡站前进
对岸就系鼓山轮渡站
新嘅行人天桥
今日系星期日,有唔少人坐渡轮去旗津㖞。
渡轮费用系每人15蚊新台币,搭船前记得准备好硬币,因为冇得找钱,如果有悠游卡呢度亦可以用得。
船嘅第一层系俾电自行车嘅,不过乘客都可以企系呢层。
如果想坐可以上楼上果层
船程只系短短几分钟,欣赏下高雄港景色好快就到对岸。
到旗津轮渡站啦,两个站之间有旗鼓一号同旗鼓二号两只船不断对开。
到旗津主要都系去旗津轮渡站对出的庙前路行下,买下手信同食下嘢。
旗津系食海鲜嘅地方,庙前街上有唔少海鲜食店,我地食呢间。
食完海鲜再坐渡轮返去鼓山
系鼓山辆渡站附近冇几远有呢间叫大碗公嘅冰室,食绵冰、豆腐花。
鼓山辆渡站距离捷运西子湾站唔远,步行行6-7分钟左右。
系捷运西子湾站旁边有一个打狗铁道故事馆,展出同旧火车有关嘅资料,免费入场。
馆外系已经废弃嘅火车场,仲展出多部旧火车,不过只可以睇冇得上去,做影相背景都唔错。
系呢个废弃火车场仲种左好多花花草草,唔少本地人黎呢度玩。
从废弃火车场再行过去就系新兴嘅驳二艺术特区
系西子湾有观光公共汽车行走各个景点之间
黎到今次旅程最后一个行程,就系到梦时代购物商场Shopping啦。
今日呢度有呢队组合黎表演
梦时代里面都开左间麻布茶房,上次系台北西门町食左觉得D甜品超好味,所以今晚晚餐就系呢度食啦。
今次食嘅主食味道麻麻,不过跟套餐上嘅甜味就同样好好味。
最后去埋商场嘅顾客服务中心退税
– Day 3 完 –
旅程第四日朝早9点几就要坐飞机返澳门,呢日冇行程所以唔单独写一篇,就系呢度写少少啦。因为要坐9点几机,所以晨早未够7点就要系酒店check-out坐车去机场,不过因为系朝早返工时间,路面都有少少塞车,所以呢D时间去机场最好都系坐捷运。
高雄机场嘅候机室装修设计得几靓,每个登机闸口都有唔同主题同特色。
亦有电脑可以上网
仲有多个手机充电器
上机前食D嘢先,候机室里面只得一间食店,冇得选择,不过呢碗鱼蛋味道都唔错。
– 2014年复活节高雄、台南之旅 完结 –
相关文章:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!