2014年圣诞节北海道赏雪之旅(Day 2) – 北海道神宫
因为我哋怕冻嘅关系,喺咁天寒地冻嘅环境其实都唔多愿意周围走,所以今日只系计划去一个景点,就系北海道神宫。其实北海道神宫唔算系札幌嘅热门景点,不过因为未见过白雪衬托下嘅日本神社,所以专登去睇睇。
酒店门口有今日嘅天气预报,最高5度最低-2度,睇落都唔系好冻啫,不过天色就麻麻,冇阳光之余仲可能会有雨。另外,块牌仲有正在进行中嘅札幌白色灯树节嘅情报,不过我哋会留返喺平安夜果晚先去。
酒店门口
朝早街上天气都OK,不过真系好鬼冻。
街上行人路度每隔一段路都会见到呢个箱,里面有一啲可以溶雪嘅沙,如果有需要可以随便攞嚟用。
出发去景点之前先食早餐,呢餐食嘅系吉野家。
星期六日札幌地铁嘅一日乘车券只系520yen,比平日平咗310yen,呢日系星期六,搭地铁抵过平时。
北海道神宫就喺円山公园里面,如果平时冇落雪嘅话,由地下铁円山公园駅行10分钟就到,不过冬天落雪嘅时候都系坐一程巴士好啲。喺地下铁円山公园駅3号出口旁边有一个巴士总站,可以喺呢度坐开去北海道神宫同动物园方向嘅巴士。
从円山公园駅出发,一个站就到北海道神宫,个巴士站叫神宫前。
除咗札幌駅至簿野呢啲市中心嘅行人路会有人定时铲雪之外,其他地区嘅行人路都系咁嘅样,完全俾积雪覆蓋,行起嚟都几辛苦,又唔行得快。
行路嘅时候真系要睇实地下,呢啲好多人行过变晒黑色嘅路面已经结咗冰,最好唔好行,唔系好有机会俾佢跣到你摊摊腰,最好揾一啲白色未结冰嘅雪地嚟行。
北海道神宫正门入口
入神宫前净手嘅地方
神宫正门
北海道神宫地方唔大,主要建筑就只得呢个主殿。
同其他神社或者寺院一样,呢度都有各种神符卖,亦可以求签。
神宫旁边有间细细地嘅六花亭神宫茶屋店,天寒地冻入去食件热糕点加杯热茶就最正。
回程可以走过对面马路坐返同一只巴士返去円山公园駅。
去完北海道神宫,余下嘅时间就留返喺室内行街shopping,主战场系狸小路。
呢间Richmond Hotel喺正狸小路中段,位置超正,今年7月再去北海道果阵就住咗呢间。
中场休息,上咗pivot商场楼上间Cafe fe lice high tea。
继续喺札幌駅前通下面条地下街shopping
札幌駅前通下面条地下街可以由簿野一直通到去札幌駅,不过商店主要集中系簿野駅至大通公园駅果段,大通公园駅至札幌駅呢段主要作用系作为行人通道,比较少商店。
今晚呢餐冇寻晚食得咁好,只系上咗札幌駅上面嘅拉面共和国食拉面。
饭后水果,买返酒店食。
仲买定听日坐火车食嘅小食,其中一样系薯条三兄弟,最近见到乐天市场都有得买。
因为自己带去嘅手套唔够厚,咁啱见到呢只牌子嘅手套,所以买咗两对即时用。
临返酒店前,先去埋JR札幌駅西口出面嘅JR售票处买定听日去二世古嘅火车飞。
Day 2完,返回《2014年圣诞节北海道赏雪之旅》总目录
相关文章:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!