2014年圣诞节北海道赏雪之旅(Day 4) – 二世古Hirafu滑雪场
按计划今日嘅行程系去二世古最大嘅滑雪场二世古Hirafu(比罗夫)滑雪场,当然我哋唔系去滑雪,只系去睇雪。不过天气预报今日仍然有大雪,都有啲担心去唔去得成。
今朝浸完温泉就食早餐啦,早餐系日式,又系用返寻晚食晚饭张枱。
今日个天比寻日清啲,望出外面可以睇清楚周围环境,虽然仍然有落雪,但风就唔系好大,应该可以照行程计划去Hirafu滑雪场。
食完早餐周围行下先,呢度铲雪系要出动到铲泥车架。
边个咁得闲整咗个雪人
经过一轮努力,铲泥车终于喺门口铲出一条路来。
有返条路,另一个要解决嘅问题系要扫走车顶啲积雪,睇落都几辛苦。
旅馆有几部唔同嘅车可以接送住客,有小巴、MPV同私家车,除咗我哋仲有一批住客应该系去滑雪,见佢哋带晒啲滑雪嘅重装备。
由于我哋只得两个人,又冇乜行李,所以旅馆安排咗架私家车载我哋去二世古Hirafu滑雪场。
从车上挡风玻璃望出去只见白蒙蒙一片。
沿途除咗雪都系雪,窗外系Hirafu嘅中心地带ひらふ十字街(比罗夫十字街),可能由于大雪,唔见有行人,不过就算停咗雪,喺呢啲地方步行都真系几举步维艰。
由我哋住嘅ニセコ昆布温泉鹤雅别荘 杢の抄去二世古Hirafu滑雪场都唔系好远,喺雪地行车都只系需要15分钟左右就到。Hirafu滑雪场主要有两个上山起点,一个系Hirafu Welcome Center,另一个系Niseko Grand Hirafu Mountain Center。Welcome Center系Hirafu滑雪场最主要嘅地方,游客中心同埋巴士总站都设喺呢度,不过喺Welcome Center只有吊车上山,而Mountain Center果边除咗吊车之外,仲有缆车(Hirafu Gondola),所以人比较多。
我哋叫司机喺Niseko Grand Hirafu Mountain Center呢边俾我哋落车
真系几热闹
好多人排队坐缆车上山
由于气温低又大雪,所以系度唔系影好多相,而且风雪似乎越嚟越大,想上山但系排队坐缆车嘅人太多,所以睇咗一阵到此一游之后决定走人。路线巴士唔经Mountain Center,所以要坐路线巴士去JR俱知安駅就要过去Welcome Center果边,虽然Mountain Center同Welcome Center只系相距700米左右,但要行路过去就真系…超辛苦,好在Hirafu滑雪场有穿梭巴士连接Hirafu各个地点。
终于又返到去JR俱知安駅
因为事前夹啱火车时间,所以喺俱知安駅等咗一阵就有火车返小樽啦。
回程沿途又系白色一片
终于返到小樽
食晏时间,落咗火车顺便行过小樽駅旁边嘅三角市场食碗鱼生饭。
今次系小樽book咗呢间喺小樽运河对面嘅小樽运河の宿 小樽 ふる川,呢间温泉旅馆虽然地方唔算大,但地方细细好有特色,而且位置超正,详细介绍可以参考呢篇《住@小樽运河の宿 小樽 ふる川》。
虽然旅馆占地唔大,但房间面积都唔细,而且对正小樽运河,个景一流。
同其他温泉旅馆,都有送一个小糕点。
Check-in完时间仲早,先出去行下再返旅馆食晚饭。小樽系2009年去过一次,当时系秋天,冬天嘅感觉完全两个世界。
界町通
冬天好早就入黑,不过雪地加街灯喺啱啱入黑嘅时候感觉特别浪漫。
夜晚嘅小樽运河
返到旅馆仲未够钟食晚饭,先浸个温泉暖下身。
食晚晚餐,虽然菜色睇落唔算丰富,但味道唔错。
食完饭冇咩做喺旅馆周围行下
今晚仲有个下午喺北菓楼买嘅年轮蛋糕做消夜
Day 4完,返回《2014年圣诞节北海道赏雪之旅》总目录
相关文章:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!