----------

----------

2009年台北自由行 (Day 4 – A) – 九份

今日嘅行程主要係去九份同埋基隆夜市,九份上次有去過,不過基隆夜市就係未去過嘅新景點。朝早起身之後先去西門町嘅鴨肉扁食早餐。

鴨肉扁

 

 

食完早餐先去台北車站買去瑞芳嘅火車飛,因為中午12點先有自強號列車去瑞芳,所以仲有時間係台北車站上面新開嘅微風台北車站(商場)行下。

微風台北車站1微風台北車站2

 

 

行到咁上下時間可以去等火車啦. . . . .

九份1九份2

 

 

坐自強號由台北車站去瑞芳只係需要45分鐘時間,因為上次黎過,所以出左車站好熟路咁行過對面馬路巴士站等巴士。係瑞芳度有一D只係本地人先可以坐嘅免費小巴,遊客唔坐得架。去九份嘅巴士係大巴黎架,由基隆開出去金瓜石或者九份方向嘅巴士就上啦。因為瑞芳屬於基隆市範圍,台北嘅悠遊卡係呢度唔用得,所以記得準備定散紙,不過唔記得巴士費係幾多

 

 

九份3

 

同上次經驗一樣,基隆嘅巴士司機好狼死,由瑞芳上九份全程山路,彎多路窄,但係個司機照樣飛車同高速掟彎。真係一路坐一路驚. . . . .

 

上九份架巴士係唔會廣播下一站係乜,而且九份只係中途站,所以要自己留意住幾時落車。不過如果係旺季,應該巴士上多數乘客都係九份落車,再唔係認住九份基山街街口間7仔落車就冇錯,巴士駛到黎呢度係個“S”形彎位,一定會慢駛,足夠時間俾你睇清楚按鐘落車。

 

 

九份4九份5

 

黎到九份都係係基山街行下,食下路口果檔舊道口牛肉麵,再食下魚丸,又食下賴阿婆芋圓呢D例牌地道小食,跟手再買返D手信。

九份6九份7九份8九份9九份10九份11九份12九份13九份14九份15

 

 

係基山街街口對面馬路,即係回程巴士站隔離,有一間幾出名嘅手信店叫李儀餅店,佢嘅鳳梨酥幾好食架。不過如果係度買自己攞住走會好麻煩,好在佢係台北車站地下街都有間分店,而且可以免費送去酒店。所以我地係呢度order晒我地要嘅種類,然後叫佢係第二日我地臨走前送去酒店,咁當然要先俾晒錢先啦。

九份16九份17

 

 

待續. . . . .

Related Posts Plugin for WordPress, Blogger...
2009年台北自由行 (Day 4 - B) - 基隆廟口夜市
2009年台北自由行 (Day 3 - B) - 淡水

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁