2007年東京公幹之旅（進行中@day2）

而家仍然仲係東京酒店房內.

今日係主要開會既一日, 所以今日既schedule主要係開會, 由朝早9點半去到下午5點幾. 跟住就係大會host安排既晚宴, 又係要social既場合, 不過今次唔洗食到好晏, 9點前就可以散席返酒店.

由於第一次到東京, 而且又只停留4日咁少, 所以當然要抓緊時間出去行下. 今朝清晨趁住未食早餐先去左酒店附近既日本橋以及佢周圍既三越百貨同高島屋睇下, 咁早去當然只係去影下相啦, 因為百貨公司都仲未開門.

到夜晚食完晚宴之後, 離開地鐵關門都仲有兩個幾鐘, 所以選擇左去涉谷行下, 由酒店坐地鐵去要坐20分鐘車架, 所以去到主要都只係周圍行下, 影下相, 到此一遊咁喇.

今次黎東京又係帶錯衫, 本來以為5度至15度會好凍, 所以帶左件大褸同埋一D厚衫, 點知黎到發現都唔係咁凍, 出街只需要著多一件厚少少既褸就可以架啦, 而且東京室內係好熱架, 入到室內就好似去左焗桑拿, 一出街又凍, 真係一日幾次三溫暖….