----------

----------

2009年台北自由行 (Day 2 – A) – 東門外市場、永康街、中正紀念堂

2日上午去又係一輪食食食,未食之前先去左位於中正紀念堂與永康街之間嘅東門外市場,不過冇咩睇

東門外市場1東門外市場2

 

之後就行過去永康街街口果間鼎泰豐食嘢,又係例牌叫左小籠包,仲有雞湯。因為仲有要去其他地方食嘢,所以並冇叫太多。

小籠包1小籠包2

 

 

食完小籠包再入去永康街間冰館食冰,07年去台北果次曾經黎過,可惜當時撞啱佢休息,試唔到,今次終於得嘗所願。呢間冰館好受日本人歡迎,見到大部份黎食嘅人都係攞住日文旅遊書。不過佢果D係刨冰,我唔係太鍾意,所以食左一大半之後都冇再食落去。

冰館1冰館2冰館3冰館4

 

 

最近睇台灣電視台新聞,原來冰館因為夫婦離婚爭產,已經close,大家下次去台北唔洗去搵佢啦。

 

冰館斜對面有一間叫誠記賣蔥抓餅嘅街邊舖,佢D蔥抓餅超好味,熱烈推介。我一向對用蔥整嘅食物好抗拒,所以一開始都只係打算食少少試下就算架,但係食落發覺好好味,好想再返轉頭買多兩件

誠記蔥抓餅1誠記蔥抓餅2

 

 

由誠記向中山紀念堂方向直行,大約200左右就係有名嘅永康牛肉麵,佢對面係間學校(金華國小),離遠已經見到個黃色扣牌,好易認。不過因為之前食左好多嘢,食唔落,所以決定先行去中正紀念堂遊覽完再返轉頭食。

永康牛肉麵1

 

 

中正紀念堂上次都有黎過,不過今次已經改左叫自由廣場。

中正紀念堂1中正紀念堂2中正紀念堂3中正紀念堂4中正紀念堂5中正紀念堂6

 

 

行完中正紀念堂因為太累,決定坐的士返去永康牛肉麵。好多人都話永康牛肉麵好好食,不過我地食完只係覺得麻麻地。

永康牛肉麵2永康牛肉麵3永康牛肉麵4

 

 

待續. . . . .

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,如果您的留言沒有即時顯示出來,請重新載入本文網頁。)。 回答您留言所查詢的問題有時候需要一些時間研究,請耐心等待。另外,也希望您能夠讚好本Blog Facebook專頁,給我一點支持,謝謝。!

為了阻擋垃圾留言,張貼留言前,請先用阿拉伯數字輸入以下數學算式的答案。

分享這篇文章:

讚好本Blog Facebook專頁