2009年台北自由行 (Day 5 – 完)

終於黎到旅程最後一日，因為坐黃昏機，所以都仲有大半日時間可以出去行下。朝早起左梳洗完先執埋行李check-out先，然後將行李寄存係酒店，再請酒店同我地接收李儀餅家會係中午時送到嘅手信。

 

一切安排好之後出發去忠孝敦化嘅度小月食嘢。

 

 

食完嘢之後我地再到台北車站附近最後沖刺買下手信，然後就返酒店攞行李準備去機場啦。由台北去桃園機場亦係坐國光巴士，因為拖住行李唔方便，所以需要先由西門町坐的士去到台北車站旁邊嘅國光巴士總站。去到買左飛等冇幾耐就有巴士，因為冇乜人坐所以唔洗好似黎果陣咁辛苦，坐得舒服好多。

 

今日寫呢日行程再睇返資料，先知道原來澳門航空嘅counter係係桃園機場嘅第一航廈，之前一直以為佢係係第二航廈，原來攪錯左。

 

 

因為本旅遊書入面有介紹桃園機場有個Hello Kitty候機室，所以Check-in完見仲有時間，於是又想去見識一下。不過Hello Kitty候機室係第二航廈，由第一航廈過去路程都好遠，先要搭電梯，之後又要行一大段走廊，仲要坐埋接駁電車，足足15分鐘先到第二航廈，但去到又唔見有Hello Kitty候機室，之後問工作人員先知，原來仲要行多10幾分鐘先到。睇返時間去到再返轉頭時間會好趕，唯有放棄啦。

 

 

五日第二次台北自由行結束，期待新春第三次台北之旅. . . . . .