2013年日本關西、北陸賞櫻自駕遊 – Day 5 (Part 2)：金沢近江町市場、兼六園

遊完白川鄉起程去金沢啦。2010年係金沢住過一晚，所以今次唔打算住金沢，只係路過去兩個主要景點遊覽下就算。由白川鄉去金沢大約個半鐘左右，到金沢之後第一站去近江町市場。

 

 

到近江町市場時已經過左中午，先去呢間食店食返個海鮮丼午餐。

 

跟住下一站係兼六園，我地先將架車泊係距離兼六園最近嘅呢個石川縣兼六駐車場。

 

泊好架車過馬路對面之後沿斜坡向上行就係兼六園同金沢城。

 

櫻花開花期間兼六園出面有食店賣野食，而且呢日又可以免費入園，唔怪得咁熱鬧。

 

兼六園係石川縣嘅櫻花名所。

 

兼六園對面就係金沢城，兩個公園由一條行人天橋連接。

 

兼六園同金沢城之間有一條馬路相隔，馬路兩邊種左好多櫻花樹，企係天橋中間望向馬路嘅景超靚。

 

馬路旁邊空地上已經有人坐定定係度等賞夜櫻。

 

今晚住宿嘅地點選擇係加賀溫泉，加賀係北陸其中一個主要嘅溫泉鄉，距離金沢市40幾公里，開車45分鐘左右就到，選擇住係加賀嘅原因，一來係由於想浸溫泉，二來係可以縮短一D聽日返大阪嘅路程。

 

加賀溫泉有四個溫泉區，我地去嘅係柴山潟湖旁邊嘅片山津溫泉，入住嘅呢間佳水鄉。[想睇酒店介紹同住宿評價可以參考呢篇住@加賀片山津溫泉佳水鄉]

 

– Day 5 完 –

 

>> 返回《2013年日本關西、北陸賞櫻自駕遊》總目錄