上引水產美食+交通：如何從捷運行天宮站步行到上引水產

上引水產是最近台北一個好熱門嘅旅遊景點，今次到台北諗唔到有咩地方去，所以決定跟風都去一去呢度。呢日係端午節假期，我地安排係呢日去上引水產嘅決定真係有D錯誤，因為假日去真係超多人。

 

如何從捷運行天宮站步行到上引水產？

 

上引水產位於台北中山區嘅行天宮附近，距離捷運站比較遠，就算從最近嘅捷運行天宮站過去，都有1.2公里遠，步行需要15-20分鐘。如果覺得遠，亦可以用NT$100從行天宮站外面坐的士直接到上引水產。

 

我地係從捷運行天宮站沿下圖嘅路線步行過去上引水產。

 

 

捷運行天宮站

 

從3號出口行出路面之後，向右手邊步行300米到行天宮。

 

過左民權東路二段對面就係行天宮

 

既然都經過，冇理由唔順道入去參觀一下。

 

可能因為係端午節，今日係度參拜嘅人都真係唔少。

 

 

參觀完行天宮我地繼續沿松江路向北行，行大約200米之後就見到呢間中山區行政中心大樓。

 

大樓旁邊係一條叫農安街嘅路，轉入去向東一直行會見到高架路。

 

係高架路下面穿過馬路，再向左邊行100米有一間7-11。

 

係7-11旁邊條路轉入去就係上引水產座建築物嘅背面

 

亦可以唔係7-11旁邊轉入去，而係再向前行100米，係另一個街口嘅全家便利店旁邊條街轉入去，亦可以去到上引水產。

 

台北魚市即係上引水產所在地

 

呢度算係上引水產側門

 

側門旁邊係場外以食海鮮燒烤為主嘅食物區，不過人較少，冇場內咁吸引人。

 

再向前行少少就係上引水產正門，正門前有幾張小枱，唔少人係場內買左魚生壽司之後就係呢度開餐。

 

正門左邊就係進入上引水產市場嘅入口

 

 

上引水產美食

 

上引水產分為幾個唔同區域，雖然地方都唔細，但係由於今日遊客實在太多，所以場內顯得非常之擠迫。一進入上引水產見到嘅係由好多個水池組成嘅活海鮮銷售區，不過呢度並唔係遊客重點參觀嘅地方，所以人唔算太多。

 

水池旁邊嘅貨架上陳列左各式海鮮魚生，都係可以即時生食，不過價錢並唔係平。

 

離開左活海鮮銷售區，上幾級樓梯之後就係超市區，同一般超市嘅食品部差唔多，有各種生果蔬菜，當然亦有已經包好嘅壽司、魚生可以買黎食。

 

 

上引水產最受歡迎嘅係場內兩間食店，一間係食海鮮拼盤嘅快意鮮味吧，另一間係食壽司、魚生嘅立吞。當日嘅人實在太多，尤其係立吞，起碼要等一個鐘先有位。由於快意鮮味吧嘅流轉率比較快，所以我地同時係兩間取左籌仔，先係快意鮮味吧食左個海鮮拼盤，食完之後時間啱啱好，等一陣立吞嘅籌仔就到我地入座。

 

快意鮮味吧提供海鮮拼盤，呢度一樣都係冇位坐，全程企係度食。

 

我地只係要左一個標準set，有一隻鮑魚、兩隻生蠔、蟹腳等等，仲有沙律前菜，不過飲品另計。

 

顧名思義，立吞係一間立食壽司店，店面設係上引水產市場嘅中央，地方唔大企位唔多，所以要等較長時間先有位。

 

我地嘅Order

 

係上引水產停留左三個幾鐘，走嘅時候我地坐的士返去捷運站，不過呢個時候落起雨黎，所以只可以去信義區市政府站附近行下百貨公司同商場。

 

相關文章：

• 香港、澳門入台證申請！港澳居民網路申請入臺證教學
• 台灣購物也可以退稅：台灣退稅手續流程全攻略
• 台灣電子入境卡（Taiwan Arrival Card, TWAC）：什麼人需要提交？如何填寫？
• 台灣武陵農場櫻花季：國光客運賞櫻專車購票攻略與賞櫻分享

________
本文網址：https://www.travelclassroom.net/2013/08/2013-taiwan-trip-day-4-part-1.html