2013年首爾賞楓自由行 – Day 6 (Part 1)：昌德宮秘院賞紅葉

黎到旅程最後一日，因為回程航班嘅時間係夜晚9點幾，所以今日仲有大半日時間可以用。今日主要行程係去昌德宮，而且仲會入去被列入為世界歷史文化遺產嘅昌德宮秘院。

酒店嘅最遲退房時間係11點，所以出發前要先做左check-out先，再將行李寄存係酒店大堂。之後先去食早餐，今日選擇係呢間係明洞街嘅神仙雪濃湯食雪濃湯。

每碗雪濃湯都有碗飯跟，份量都足夠飽肚。

食完早餐我地坐的士去今日唯一嘅景點昌德宮，昌德宮就係仁寺洞附近，坐車去好快就到。

昌德宮嘅售票處設係正門敦化門旁邊，入去前先係呢度買飛。昌德宮係世界歷史文化遺產，所以入場費比其他古宮貴D，而且昌德宮嘅後花園，即係所謂嘅秘院，要跟導賞團先可以入去，而導賞團嘅位要先係網上預約，但係講普通話嘅中文導賞團每日只有12點半一場，我地之所以去到最後一日先去昌德宮，就係因為之前幾日嘅中文導賞團已經full晒，只有呢日先有位。

買飛嘅時候要出示呢張預約confirmation，預留方式係呢篇文章末段再為大家介紹一下。

入場券分為入昌德宮同入秘園兩種

昌德宮正門入口敦化門

昌德宮地圖

從敦化門步行到秘園入口需要10分鐘左右，離12點半仲有大半個鐘，可以慢慢行參觀下宮入面其他地方先。

呢度就係昌德宮秘園入口，大家係度等導賞團開始。

如果冇預約，都可以係呢度碰下運氣，如果有D預約左嘅人冇黎出飛，就可以即時買到飛。

秘園之旅由呢度開始，遊覽秘園全程大約兩個鐘，開始之前大家一定要先去一去廁所，因為裡面只得一處有廁所。

雖然導遊用普通話講解，但係發音唔係咁正，而大部份人都冇咩興趣去聽講解，只係掛住影紅葉。

呢度叫芙蓉池，係秘園裡面最靚嘅地方，而且亦係唯一有廁嘅地方。

雖然紅葉季節已過，但係昌德宮秘園嘅紅葉仲係相當靚。

兩個鐘嘅遊覽行程終於走完

如何預約昌德宮秘園導賞團

最後，介紹一下網上預約昌德宮秘園導賞團的方法。因為預約網頁有英文版，所以操作並不困難。

1. 在昌德宮的英文版官方網站menu選擇Tour Reservation > Secret Garden Tour，然後在日歷上click你要預約的日子。

2. 第6個導賞團是講普通話的中文團，每日只有一團50個名額，所以很快full，想預約就要快手。網站規定每個月的第二個星期二開始就可以預約下一個月的導賞團。Click “Click to make a reservation”進行預約。

3. 填寫你的姓名、密碼(密碼是在之後要修改預約時使用)、電話、email、人數，然後按”Reserve”預約。

4. 完成預約之後將網頁上顯示的confirmation列印出來，購買入場券時需要將confirmation交給售票員。

– Day 6 未完，待續 –

相關文章：

• 首爾明洞酒店推介
• 2014年韓國首爾新酒店
• 住@首爾明洞天空花園酒店(Hotel Skypark Central Myeongdong Seoul)
• 住@首爾明洞王子酒店(Prince Hotel Seoul)
• 首爾免費無線上網 (Seoul Free WiFi)
• 2013年首爾賞楓自由行 – Day 1 (Part 1)：坐真航空澳門飛首爾
• 2013年首爾賞楓自由行 – Day 1 (Part 2)：夜遊清溪川首爾燈節
• 2013年首爾賞楓自由行 – Day 2 (Part 1)：土俗村人參雞、遊覽景福宮
• 2013年首爾賞楓自由行 – Day 2 (Part 2)：仁寺洞、平安道豬手
• 2013年首爾賞楓自由行 – Day 3 (Part 1)：南山公園睇紅葉
• 2013年首爾賞楓自由行 – Day 3 (Part 2)：巧遇首爾初雪
• 2013年首爾賞楓自由行 – Day 4 (Part 1)：德壽宮
• 2013年首爾賞楓自由行 – Day 4 (Part 2)：梨大、宏大、東大門批發市場
• 2013年首爾賞楓自由行 – Day 5 (Part 1)：廣藏市場、鷺梁津水產市場
• 2013年首爾賞楓自由行 – Day 5 (Part 2)：明洞購物、景福宮烤肉
• 2013年首爾賞楓自由行 – Day 6 (Part 1)：昌德宮秘院賞紅葉
• 2013年首爾賞楓自由行 – Day 6 (Part 2)：坐首爾機場火車去仁川機場，首爾再見了
• 2009年聖誕首爾之旅