2014年環瀨戶內海自駕遊(Day 3)中篇 – 金刀比羅宮

金刀比羅宮座落係距離高松市只有30公里左右嘅琴平，佢最出名嘅地方係因為要行800級梯先至上到去，真係考你體力同毅力嘅地方。

從高松去琴平之間冇高速公路，不過呢條32號國道都好好行，大約40分鐘左右就到。

如果唔係自駕可以坐JR或者琴平電鐵到琴平車站，再行15-20分鐘到金刀比羅宮山腳，呢架就係琴平電鐵啦。

其實出發前做功課果陣搵過晒，已經知道冇可能直接開架車上山，不過都即管試下，睇下有冇可以係山腰度搵到可以泊車嘅地方，行少幾百級都好，但結果係冇架。

原來唔少自駕嘅人都同我地有同一想法，不過最後大家都只有乖乖地返落山。

係山腳有好多停車場，基本上泊一次由幾百至一千yen不等，離表參道入口越遠就越平。另外係表參道入口周圍有唔少商店嘅停車場，只要買滿2000yen就可以免費，不過放低架車果陣要交低車匙，方便佢地可以移動架車。如果唔想交低車匙，可以選擇泊一D收費嘅停車場。

我地搵左呢間係表參道入口嘅商店嘅停車場，走果陣入去買幾盒手信已經夠2000yen，可以免費泊車。可能大家會問係呢D商店買野會唔會貴D？我都有咁懷疑過，所以夾過價，證實佢嘅貨品價格同其他店舖一樣，冇因為提供免費泊車而賣貴D，不過款式就少D。

臨走之前店員仲會一人俾一碌竹俾你旁身

原來每間店舖出面都有呢D竹，有D可以免費借，有D可能收你100yen租金。碌竹用黎做乜？咪就係做拐杖囉。所以係呢度就好似去左丐幫大會咁。

臨近中午，都係周圍睇睇再搵個地方食左午飯再上山。

最後決定入去呢間烏冬店

叫左兩碗淨烏冬再加兩隻溫泉蛋，好味，尤其係D溫泉蛋。

食完野開始挑戰800級樓梯啦，呢度就係上山起點。

如果冇力行，可以坐呢D轎，不過唔見有人坐喎，如果得你一個坐真係好樣衰囉。

石級開頭果段仲係表參道，兩旁都係賣手信嘅商店。

行完360幾級先至黎到金刀比羅宮大門

入左大門就係五百人姓，即係五個世襲小攤販。

跟住係一段叫櫻馬場嘅路，應該係賞櫻名所。

再上十幾級黎到一個馬厩，呢度真係養左隻馬。

因為時間關係，見到參加旅行團嘅團友黎到呢度都要走返轉頭，我地當然繼續上啦。

呢度係個書院，冇咩睇。

向上再行一百幾級就會去到一個叫旭社嘅地方

從旭社向上再行多百幾級就係總殿御本宮啦

係呢度可以睇晒山下嘅美景

御本宮未係最高點，如果有興趣同氣力，仲可以行多500幾級上到最頂嘅奧社。

– Day 3 未完，待續 –

返回遊記主目錄 >> 2014年環瀨戶內海自駕遊 – 序章

↓ 在Google地圖上查看今日行車路線和景點 ↓

往年日本關西遊記：

• 2013年日本關西、北陸賞櫻自駕遊
• 2012年京阪之旅
• 2008年秋季京阪神紅葉＋白浜溫泉之旅
• 2007年大阪、京都五天自由行