今次去珠海長隆海洋王國由於係坐中旅套票包埋嘅旅遊巴，所以係《珠海橫琴長隆海洋王國試業試玩體驗》中冇詳細介紹坐公共交通工具去長隆海洋王國嘅資料，不過因為有網友問到，所以係呢度補充整理一下交通嘅問題，等大家可以參考。

上一篇同大家分享左今個年初四到珠海橫琴長隆海洋王國試玩嘅整體感受，以及介紹購買門票和交通方面嘅情況。呢篇繼續睇埋長隆海洋王國場內嘅情況以及我地遊覽嘅行程。

今年澳門附近多左一個新嘅旅遊點，就係位於珠海橫琴嘅長隆國際海洋度假區。度假區由長隆海洋王國、珠海長隆馬戲城以及長隆橫琴灣酒店三個部分組成，其中長隆橫琴灣酒店和珠海長隆馬戲城已經係1月18日開業，而長隆海洋王國就係1月28日開始試業。