因為我哋怕凍嘅關係，喺咁天寒地凍嘅環境其實都唔多愿意周圍走，所以今日只係計劃去一個景點，就係北海道神宮。其實北海道神宮唔算係札幌嘅熱門景點，不過因為未見過白雪襯托下嘅日本神社，所以專登去睇睇。

札幌嘅Cross Hotel係大阪以外日本第二間分店，因為住過大阪Cross Hotel印象好好，所以今次係札幌最後兩晚選擇入住Cross Hotel。札幌Cross Hotel同之前係小樽住嘅天然温泉 灯の湯 ドーミーインＰＲＥＭＩＵＭ一樣有一個室內嘅假溫泉，位於酒店頂樓。