韓國是日本以外另一個種植最多櫻花的國家，尤其是位於南部的鎮海，一到櫻花季節，滿街通巷都是櫻花。鎮海每年在3月尾至4月初這段櫻花滿開的期間都會舉辦「鎮海軍港節」，由於節慶期間是賞櫻的黃金期，所以又稱為「鎮海軍港節櫻花季」。2015年我們就去了參加「鎮海軍港節」，這裡將前往「鎮海軍港節」賞櫻的行程安排和交通資料整理出來，另外也介紹一些釜山的賞櫻景點，給打算去韓國賞櫻的朋友參考。

由釜山嘅西部巴士總站去鎮海，車程大約個半鐘，沿途嘅公路旁邊種咗好多櫻花樹，而且越接近鎮海密度就越大。入到鎮海，大街小巷所見嘅都係櫻花，真係有D懷疑呢個城市除咗櫻花樹之外，仲有冇種其他樹木？！

今日係2015年4月1日，係為期十日嘅鎮海軍港節嘅第一日。今次首爾+釜山賞櫻之旅為嘅主要都係去鎮海睇櫻花，所以今日係今次旅程最重要嘅一日。

除咗日本之外，韓國係第二個熱門嘅賞櫻地方。韓國雖然面積唔大，但南北地區櫻花嘅開花時間有一定差距，所以如果想喺短短七、八日嘅旅程中既睇到首爾盛開嘅櫻花，又見到釜山嘅櫻花滿開，真係有D難度。所以今年(2015年)復活節嘅韓國首爾+釜山賞櫻之旅，只能作出取捨。