2008年东京春季赏樱＋温泉之旅（第二天[1]） – 筑地市场

2008年3月27日（天晴，气温9~17度）

行程：筑地市场 _ 浅草寺 _ 隅田川游览船 _ 台场

今次旅行每日都系大约7点半（即系澳门时间6点半）起身，今日系旅程第二日，早起都冇乜难度，起身洗完面著埋衫就出发去筑地市场。由新宿坐地铁丸之内线系霞ケ関转日比谷线，去到筑地站落车就到，出左车站大约行100米就见到筑地外市场架啦。

一出地铁站就会见到嘅筑地本愿寺

筑地外市场

一到筑地外市场，即刻可以见到呢间好多人食嘅井上拉面

650円一碗拉面，有四块肉，真系好好味，系今次系日本食过最好食架

筑地外市场，由呢个路口行左边同右边都可以去到筑地市场同鱼之横丁，行左边会多野睇D，直行到神社转右过左桥就系筑地市场

筑地市场嘅运输车，好有特色

豆类散卖用斗黎量

呢个季节只得草莓当造

去到筑地市场除左行下市场之外，最主要系想去试下食出名嘅筑地寿司。出名嘅老店集中系筑地市场对出嘅鱼之横丁，最多人排队系寿司大同大和寿司呢两间。其实老实讲食嘅人唔系好多，有咁多人排队只因佢嘅舖面好细，寿司大只有约10个人位，而大和寿司最多亦唔超过20个位，所以形成好似好多人排队嘅感觉。

最多人排嘅系呢间寿司大，前面系大和寿司

我地选择左食大和寿司，不过系呢度排队都几受气，个侍应成日出黎质D人排密D，可能怕阻塞条路挂，不过个侍应唔系太有礼貌囉

排紧队冇野做影嘅大和寿司店内，另外仲有一边，每边大约只有9个位，好迫

我地排左大约都有9个字时间，入到去发现地方真系好迫，坐得唔舒服。一坐低佢就每人俾一个放寿司嘅木板，只系讲左一个字“Set?”，跟住我地望下左右隔离，见每人都系一人一set，咁咪每人要左一set囉，后来先知原来可以几个人叫一set黎share架，蠢左。

放满晒呢块板就为之一set，好似total有10件寿司，本来想等佢俾晒先影，但系佢见我唔食好似唔想再整俾我咁，唯有少少都影张先囉

本来抱住好大期望排左成大半个钟谂住会食到D好好食嘅靓寿司，点知食左之后发现味道真系麻麻，食剩几旧都唔想再食，唔只系我地，隔离几个香港人都系。而且个寿司师傅好似好不满咁，我地话好饱食唔落，佢仲话出面好多人好肚饿等紧入黎，即系明催我地走姐。最后卖单走人total 10,500円，即系一个set要3,500円，好贵。

隔离条横街都有D舖头好多人排

食完寿司我地又行左去筑地市场入面睇左一阵，然后系11点半左右就出发去下一站 – 浅草。

筑地市场里面，不过地下湿立立，冇乜野睇