2008年东京春季赏樱+温泉之旅(第二天[2]) – 浅草寺、隅田川游览船、台场

由筑地去浅草要行返去原来个地铁站,先坐日比谷线去上野,再转银座线。

 

 

仲见世通嘅入口雷门

浅草寺1

 

通往浅草寺嘅手信街仲见世通

仲见世通

 

浅草寺正门

浅草寺2

 

浅草寺内

浅草寺3

 

浅草寺大殿

浅草寺4

 

浅草寺都真系几商业化,除左卖手信仲有好多小食大排档。行完浅草寺我地就过去位于隅田川吾妻桥傍边嘅游览船码头,准备坐游览船去台场,顺便畅游隅田川

 

隅田川,两边开左好多樱花,好靓架

隅田川

 

由浅草去台场嘅船飞,票价1,220円,不过由浅草去台场冇船直去,要先坐去日之出栈桥码头,再转另一只船,全程大约一个钟,船飞系冇定时间架,开船有位就上得

游船票

 

游览船,有几种唔同款式,最多系呢款

游览船

 

系隅田川上坐船赏樱花真系几正架,夜晚系酒店见电视都有播。我地3点半左右已经到左台场,一上岸就系台场海滨公园,隔离就系商场Aqua City Odaiba,商场后面就系富士电视台。

 

台场海滨公园,后面系富士电视台,前面矮D嘅系Aqua City Odaiba

台场1

 

从船上影彩虹桥

台场2

 

去到台场因为时间仲早,我地就先去左富士电视台参观,由地下坐扶手电梯上到去有个展览馆,展出嘅野好似系佢地制作嘅节目资料,不过对日剧冇乜认识,行左一阵就走人囉。

 

之后去Aqua City Odaiba行,同样冇乜野啱,但系为左等入夜睇彩虹桥变色,焗住行左一粒钟,最后决定先去位于Aqua City Odaiba嘅拉面国技馆食dinner,不过果度D拉面真系好难食

 

彩虹桥夜景,听讲会转色,不过等左好耐都冇野睇

台场3

 

可能系海边风大关系,入夜之后台场非常之冻,所以我地食完dinner就坐车返酒店啦,今次要坐一程私铁去新桥站,再转地铁返新宿,返到新宿都只系7点过D,听人讲D大百货公司系关门前会有寿司大平卖,所以我地都去左伊势丹地库嘅美食广场睇下有冇乜野正野,原来日本百货公司真系好多食物卖架,有糕点、鱼生、寿司,总之就乜都有,不过D价钱冇乜点平。

 

行完百货公司之后再去埋药房shopping,不过原来东京嘅药房系冇家屋清洁用品之类嘅野卖架。之后行左去百果园睇下有乜生果做消夜,不过呢度D生果一D都唔平。

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!