2008年秋季京阪神红叶＋白浜温泉之旅（第三天） – 岚山、心斋桥

2008年11月27日
梅田 > 岚山 > 京都駅 > 心斋桥 > 梅田

今日既行程原本系计划上午去京都岚山，下午去二条城，然后再去贵船神社睇红叶。但后来觉得京都既红叶并唔系想像中咁靓，团友又想多D时间去shopping，所以下午既行程改为去心斋桥一带行街。

吸收左寻日食早餐既经验，今日我地9点前就去酒店19楼食西式早餐。食完早餐大约9点半左右，去到阪急电车駅时，啱啱好可以坐到一班特急列车。从梅田坐阪急电车去岚山，需要系桂站转一次车，因为上一次去京都时已经坐过，所以咁次完全冇难度。

阪急电车内

上次去京都已经去过一次岚山，今次去主要系想试下坐小火车睇红叶既感受。我地大约10点半到达岚山，离坐小火车时间仲有一个半小时左右，可以慢慢影下相先。同上次相比，今日既岚山真系人头涌涌。

岚山公园一景

满山红叶

渡月桥上

因为上次已经入过天龙寺，所以今次冇再入去，而改由侧边小路穿过竹林去小火车嵯峨野站上火车。

由呢条路入去就系竹林

竹林

果然系红叶季节，嵯峨野车站内人山人海，原来小火车可以买企位架，好彩我地之前系机场JR Counter买定车飞，有位坐。

嵯峨小火车

本来对于今日坐小火车欣赏红叶既节目好有期望架，但原来发觉都系不外如事，真系有D失望。

岚山景色

再黎岚山景色

12点15左右小火车到左亀冈站，因为12点32分有一班车由JR马堀站去京都駅，而由小火车亀冈站行去JR马堀站都要行10分钟，所以一落车就要急急脚咁行，唔系miss左呢班车就要等多半个钟先有车。

小火车亀冈站外既田野

第一次由京都駅坐JR返大阪，唔知原来大阪只系个中途站，开头睇极都揾唔到有写住去大阪既火车，后来问车站人员先知原来去姬路方向既火车全部会经大阪駅，最后兜兜转转白白浪费左半个钟时间。
到左大阪駅又要转地铁，去到心斋桥都已经系下午3点啦，第一时间揾食啦。今次既目标系美津の大阪烧，本来print左张coupon，可以有杯免费赠饮架，可惜冇带去。

大阪烧套餐，盛惠2050円

烧完个样

食完之后既节目就只系行街，冇咩好介绍。

行行下系千日前近南海电铁车站果边入口附近，发现呢间饼店好多人排队㖞。

原来系买呢只干酪蛋糕

我地当然唔汁输买件返酒店食啦

接近7点几果阵，个天开始落少少雨，所以我地都提前返酒店，返房前顺便上酒店27楼个展望台睇下夜景。

位于大阪格兰比亚酒店27楼既展望台，其实呢度有几间高级餐厅，只系两边有落地玻璃可以俾人睇景，不过免费野都唔错囉。

由于落雨都唔想行得太远，最后只系附近间吉野家食碗平价牛肉饭。唔知点解系日本吉野家好似冇女仔入去食，唔通D女仔嫌佢cheap？

因为明日会自驾车去白浜，所以食完饭之后我地就行去明日取车既日产租车公司，预先揾定位置方便第二朝可以准时去到。日产租车公司就系大阪第一酒店入面，其实只系一个小小既counter，只得两名职员。
原来由JR大阪駅附近地下有一条面积好大既地下街，由JR大阪駅去大阪第一酒店可以由地下街行过去，好方便。地下街亦有好多商店同药房，不过D野就比心斋桥贵。

提到药房，关西既药房比起东京果D真系大规模好多，产品种类又多好多，除左药物同化妆品，仲有好多唔同种类既家屋清洁用品，所以去大阪药房系必到之地，而心斋桥就系药房最多又较平既地方。

经过多次格价，我地发现系心斋桥既呢间药房可以讲得系全区最平，比起近道顿堀果D平左差唔多20%架。

呢间药房都系位于心斋桥筋商店街上，地址系南船场三丁目5番17号，如果系地铁心斋桥站大丸百货公司出口出黎，沿心斋桥筋商店街向北行，经过Loft再过埋长堀通，就会见到一间叫Step既鞋店，再行前50米就系架啦。