2008年秋季京阪神红叶+白浜温泉之旅(第四天)III – 海舟:温泉&晚饭
因为check-in时预约左8点先食晚餐,返到酒店仲有成三个钟时间,唯有先系酒店内周围行下浸下温泉先。呢间酒店其中一个特色就系大堂有个地方,放左好多和服系度,有不同款式,住客可以随便取来穿着,所以每浸完一次温泉揾一次衫都冇问题架,我地都换左几套,最后check-out时房入面就留低成房和服系度。
其实选择住海舟,其中一个重要原因都系受佢既温泉吸引,海舟总共有六个温泉,包括一个室内男汤(入面其实又分为三个唔同既池,仲有一个桑拿房),一个室内女汤,三个露天贷切风吕(每个都对正大海,设计又各有特色,只要冇人用就可以免费包起自己浸晒),同埋一个超靓海景既男女混浴温泉,全个白浜好似只此一个,不过浸果阵当然要有野遮掩重要部位啦。
咁多唔同既温泉,要全部浸晒都花左唔少时间。以下系偷偷地影返黎既温泉照片,有D系当晚浸时影,而有一D系第二朝浸时影架。
温泉区入口
每个货切风吕出面都有个咁既牌,个牌黑色字“空…..”向外时表示冇人用紧,只需要将个牌返转,令红色字“只今使用中”向外就可以包房自己慢慢浸架啦,不过浸完走时记得再转返个牌㖞. . . . . . . . . .
露天货切风吕之一 – 石匠の汤
露天货切风吕之二 – 岩户の汤
露天货切风吕之三 –梅香の汤
呢个就系全酒店最靓景既男女混浴露天风吕,叫做浜千鸟の汤,从外面都可以望到温泉里面架,不过有野遮住都唔怕俾人望到重要部位既
系男女混浴露天风吕浸温泉需要用一块布遮住重要部位,块布可以系进入温泉区既走廊度自取,进入男女混浴露天风吕前系更衣室围上就可以架啦
呢个系休息室,浸完温泉可以坐系度抖抖,除左有水饮之外,仲有绿茶味同牛奶味两款雪条任食架,牛奶味果只好好味
浸完温泉又周围行行睇睇之后,终于等到食饭时间啦,酒店既dinner时间分为两更,分别系5:30同8: 00,当check-in时要选定。海舟既晚餐全部都系要去佢餐厅入面食架,冇得系房度进餐。
先来前菜,仲有杯好味梅酒…..
跟住系主菜新鲜鱼生船,有好多种类架
之后仲有火锅
餐晚饭整体黎讲真系唔错。食完饭返房抖抖,临训前又浸多次温泉。可能第一次开咁长途车既关系,今晚训得非常之林。
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!