2009年台北自由行 (Day 2 – A) – 东门外市场、永康街、中正纪念堂
第2日上午去又系一轮食食食,未食之前先去左位于中正纪念堂与永康街之间嘅东门外市场,不过冇咩睇。
之后就行过去永康街街口果间鼎泰丰食嘢,又系例牌叫左小笼包,仲有鸡汤。因为仲有要去其他地方食嘢,所以并冇叫太多。
食完小笼包再入去永康街间冰馆食冰,07年去台北果次曾经黎过,可惜当时撞啱佢休息,试唔到,今次终于得尝所愿。呢间冰馆好受日本人欢迎,见到大部份黎食嘅人都系攞住日文旅游书。不过佢果D系刨冰,我唔系太钟意,所以食左一大半之后都冇再食落去。
最近睇台湾电视台新闻,原来冰馆因为夫妇离婚争产,已经close左,大家下次去台北唔洗去揾佢啦。
冰馆斜对面有一间叫诚记卖葱抓饼嘅街边舖,佢D葱抓饼超好味,热烈推介。我一向对用葱整嘅食物好抗拒,所以一开始都只系打算食少少试下就算架,但系食落发觉好好味,好想再返转头买多两件。
由诚记向中山纪念堂方向直行,大约200米左右就系有名嘅永康牛肉面,佢对面系间学校(金华国小),离远已经见到个黄色扣牌,好易认。不过因为之前食左好多嘢,食唔落,所以决定先行去中正纪念堂游览完再返转头食。
中正纪念堂上次都有黎过,不过今次已经改左叫自由广场。
行完中正纪念堂因为太累,决定坐的士返去永康牛肉面。好多人都话永康牛肉面好好食,不过我地食完只系觉得麻麻地。
待续. . . . .
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!