2009年台北自由行 (Day 3 – B) – 淡水

系阳明山睇完樱花之后,又坐公共汽车去返捷运剑潭站,然后坐捷运去下一个目的地:淡水。淡水上次都有去过,今次又系重游。

淡水1

 

淡水2淡水3淡水4淡水5淡水6淡水7淡水8

 

 

上次系淡水食过一间叫本港快餐嘅鱼丸好好味,今次又去同一位置间舖头再食,但系觉得味道差好处,好难食。返黎睇返张相先知原来间舖改左名,多左个字,可能换左老细,唔怪得唔同味啦。

淡水16

 

 

行完淡水老街,再坐船去渔人码头,原来而家连坐船都可以用悠游卡,真系好方便,所以去到台北真系记得买返张,坐捷运、公共汽车都可以用,方便快捷,临走前又可以全数退回未用余款,唔会蚀架。今次去渔人码头嘅时间因为接近黄昏,所以可以睇到好靓嘅日落景色

 

 

淡水9淡水10淡水11淡水12淡水13

 

游览完淡水渔人码头之后,我地选择坐公共汽车返去淡水老街,公共汽车站就系过左白色情人桥对岸,不过要留意行车方向,问清楚司机系返去淡水老街嘅先好上车。返到老街已经开始入黑。

 

 

淡水14淡水15

 

离开淡水之后我地就去左士林夜市,所以又再一次去到捷运剑潭站。隔左咁多个月已经唔记得当晚系士林夜市食左D乜啦,因为当时冇睇相,只系记得有食我系台北嘅至爱红豆牛奶绵冰。

 

 

士林红豆牛奶冰1士林红豆牛奶冰2

 

唔知点解其他夜市揾唔到呢种绵冰,只系士林夜市有,而系士林夜市入面有两间食绵冰嘅舖头,大家系正对面。今次食呢间唔系咁好味,唔知系唔系第一次嘅关系,觉得上次食果间好味好多,但系因为已经食唔落,所以冇再试埋果间,下次去一定再试下

 

 

经过一日丰富行程返到酒店已经好累,不过用佢个按摩浴池冲完凉又真系精神返㖞。所以趁未眼训又落街行下,扫下便利店D特色饮品,又买左件Mister Donut,跟住再试埋西门町口嘅Cold Stone炒雪糕做宵夜

ColdStone1ColdStone2

 

 

Day 3

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!