2009年台北自由行 (Day 3 – A) – 阳明山樱花

台湾由1月尾至3月系樱花季节，虽然冇日本咁多咁靓，但一场黎到都想去睇下，所以今日行程主要系上阳明山赏花。

之前做左功课，以游客黎讲上阳明山最方便系先坐捷运到剑潭站，再坐红5或260号公共汽车上山，公共汽车站就系面向士林夜市果边嘅捷运站旁边。因为系花季，所以搭车嘅人都唔少。

第一次去台湾嘅时候已经上过阳明山，不过果阵唔系花季，好少人，而家系花季游人就多好多，如果系盛开时节可能仲更加多人。

阳明山嘅樱花集中系阳明公园，如果系阳明山公共汽车站步行去要行差唔多30分钟，如果坐公共汽车班次好少，所以最方便都系坐的士。我地去嘅时候系3月中，已经系花季尾声，所以见到嘅樱花好疏落，而且亦唔系太靓。

待续. . . . .