2009年台北自由行 (Day 4 – B) – 基隆庙口夜市

游览完九份之后我地下一个目的地系去基隆庙口夜市。系李仪饼店隔离巴士站等车，写住基隆方向嘅巴士就啱架啦。由九份去基隆大约要40分钟车程，今次个司机一样系咁狼死，落山时系咁冲，几惊佢会冲落山崖。

因为唔知系边个店落车会比较近庙口夜市，所以都系直接去到位于基隆火车站嘅公共汽车总站落车。落车之后按照地图行去庙口夜市，大约要行10分钟左右。

基隆夜市比起台北市内嘅夜市似乎管理较好，地方比较整齐干净，而且好多店铺都有地方可以坐系度食。

基隆近海，所以庙口夜市有好多食海鲜嘅档口，但系D海鲜就咁放晒出黎，感觉好似唔系好卫生，不过都唔理咁多，一于揾间黎食。

另一样只系基隆庙口夜市先食得到嘅美食系螃蟹羹，真系好好味$50新台币一碗，好抵食。

由基隆返台北可以坐公共汽车，不过我地选择坐火车，好方便。由基隆去台北嘅火车好似都系区间车，即系站站停果种，所以时间都几耐下。系火车站度买左张车飞就可以入闸等车，车飞上系冇标明时间同座号架，有车就可以上，上到车自己揾位，同坐地铁一样。

待续. . . . .