《2009年圣诞首尔之旅》- 第五天(完)

20091226(星期六),天晴,气温:around零度

 

澳门航空去首尔嘅航班时间真系麻麻,去程冇得训已经好惨,回程要晨早起身仲惨。由首尔至澳门嘅航班朝早8:00起飞,6:00要到机场check-in,所以一定要坐第一班由首尔市区开出嘅机场巴士到机场。

 

明洞嘅世宗酒店系6015号机场巴士嘅第一个站,第一班巴士系呢度开出嘅时间系4:50,不过架巴士唔系停系度等客,只会到接近4:50时先会唔知系边度驶到黎上客。

 

因为怕Miss左巴士,所以我地提早左check-out,未到4:15已经去到世宗酒店门口,不过未见有巴士,好彩可以入去世宗酒店大堂度坐低,如果唔系真系会冻死街头。本来以为寻晚落左雪,今朝会系地上见到白蒙蒙嘅雪景,点知又系失望,只系见到路边仲留有少少雪粉。

 

巴士好准时系4:50到,上车嘅除左我地就只得另外3个韩国人。之后架巴士会驶经其他几处上落客地点,上左大约10个人左右就直驱机场啦。因为太早冇乜车嘅关系,唔洗一小时已经到达机场。

 

去到countercheck-in,点不知澳航地勤竟然通知班机要delay四个钟头,中午12点先走得。不过就可以先做定check-in,而且仲写左张delay证明,不过都冇用啦,保险要delay 5小时以上先有得赔。另外佢地又俾左每人一张消费券,好似有₩10,000可以系指定地点食嘢,不过揾唔到个地方,最后都系冇用到。

机场

 

因为实在太眼训,所以入到候机大楼之后,食完早餐再买D嘢之后就上左休息室揾个好位训觉,到12点终于可以上飞机返澳门。

 

其实韩国并唔系我地太钟意嘅旅游目的地,一来值得去嘅地方唔系太多,二来食物唔啱口味,三来语言文字相差好远(虽然我地都系唔识日本,但系日本起码睇得明佢D汉字。),再加上shopping又唔系我地强项。今次去换左太多钱,回程时仲有百几万系手未洗,好彩而家韩元仲系升紧,希望迟D放出去赚返笔啦

 

本次旅程完结

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share