《2010年新春台北之旅》- 第二天(1) – 前往乌来
[ 2010年2月15日 (星期一,年初二);天阴有雨;气温:around 13度]
今日会由台北去乌来,因为唔洗赶时间,所以打算11点先chech-out。丹迪旅店嘅房租系包埋早餐架,所以起身之后先落地下饭厅食早餐。早餐系自助餐形式,不过食物只有几款,味道过得去咁啦。
因为第三晚会再返丹迪旅店住多晚,所以我地将大件行李寄存系旅店,只带少少嘢入去乌来。
出发之前系澳门上网揾过资料,好多人话由台北去乌来最悭时间嘅方法系先坐捷运到新店站,然后由新店站坐公共汽车到乌来。由于系假期关系,我地估计会有好多人去乌来,如果系新店上公共汽车一定唔会有位坐,所以决定直接系台北车站附近嘅公共汽车总站坐公共汽车。
公共汽车站就系公园路中央健康保险局嘅马路边,由台北车站捷运站八号出口行出路面(下图1),然后向住同车站大楼相反嘅方向直行就系,距离大约只有250米。首先会经过台北市政府警察局中正第一分局(下图2~3),警察局斜对面马路有一个巴士站(下图4),绿色牌果个门口就系中央健康保险局其中一个门口,呢个站系公共汽车由总站开出之后嘅第一个站,可以系度上车,不过总站只系前少少,所以最好行去总站上车。系警察局过马路继续向前直行,就会见到中央健康保险局另一个门口(下图5),系呢度向前行10几米就系公共汽车总站啦,车站前面有间M记。
我地11点3到公共汽车站,当时除左我地只有另外3个人上车。坐公共汽车可以用悠游卡,上车时拍一次卡,到落车时要再拍一次扣钱。
(更新: 由台北车站去乌来的公共汽车NUMBER已经由1601号改左做849号,只系改左个NUMBER,其他野冇变。)
因为系年初二假期嘅关系,所以台北市区路上唔系好多车,架公共汽车除左停站同埋红灯订车之外,都行得好顺畅,由台北车站去到新站捷运站用左45分钟时间,如果坐捷运,由台北车站到新店站大约25分钟,快一半左右。
虽然系总站只得5个人上车,不过一路上都不断有人上车,到达新店站之前已经冇晒座位,而且亦已经企左好多人。公共汽车停靠新店站嘅时候,已经见到好多人排紧队等上车,好彩我地选择系总站上车,唔系都几惨。由新店站到乌来嘅车程大约35分钟,不过全程山路,又上又落,企足全程脚都软。
公共汽车系乌来嘅总站系乌来老街附近,如果入住乌来璞石丽致或者春秋乌来(现称:馥兰朵乌来渡假酒店),可以系总站之前个车站落车,呢两间酒店就系公路旁边。如果坐公共汽车返台北,就要去返总站等车,因为系路边车站上车系旺季应该好难有位坐。
可能系因为落雨关系,乌来山腰上漂浮住好多云雾,空气好清新,一落车即系吸多几嗒。而且又见到又清又绿嘅河水,不过第二日走嘅时候发现河水由墨绿色变左做泥黄色。
待续. . . . . .
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!