《2010年新春台北之旅》- 第二天(2) – 乌来老街

从乌来公共汽车总站向前行大约150就系乌来老街入口,街口有一间全家便利店。

乌来(4)

由全家便利店转入去,过左呢条桥就系乌来老街啦。

乌来(5)

 

乌来老街大约只有100左右,街道两边集中左好多食店、小食档、手信店同埋平价温泉旅馆。

乌来(6)乌来(8)乌来(9)乌来(10)乌来(11)

 

系乌来老街入口附近,有一间乌来泰雅博物馆,就系乌来婆婆美食店隔离。里面展出泰雅族原住民嘅生活,展品虽然唔一定会吸引到你,但系佢入面有一样好重要嘅嘢,你可能会有需要. . . . .就系洗手间。乌来老街一带嘅公厕并唔系好多,我见过系览胜桥近老街嘅桥口有一间,另外系台车站内亦有一间,不过卫生只系一般,女士可能会唔惯。而系乌来泰雅博物馆里面亦有厕所供游客使用,但卫生情况就好好多,好干净。博物馆系免费入场架,大家可以好好利用,女厕系地下,男厕就系二楼。

乌来(7)

 

乌来其中一样出名嘅小食系山猪肉香肠,系老街靠近览胜桥一边有几档卖烧香肠嘅小食档,不过多数冇乜人帮衬,但系唯独以下呢档就排晒长龙。

乌来(13)乌来(14)

 

佢嘅山猪肉香肠真系超超好味,尤其是系层皮烧到好香,就连我一向唔中意食香肠嘅人都觉得佢好好食,我地仲前后买左三次黎食。

乌来(15)

 

乌来老街嘅尽头系览胜桥,过左桥沿楼梯行上去就系台车车站,可以系呢度坐台车上去勇士广场睇乌来瀑布。

乌来(16)乌来(17)

 

台车单程车费NT$50去勇士广场除左坐台车之外亦可以行路上去,不过路程都唔短,所以最好都系坐台车,唔洗咁辛苦之余仲可以试下呢种咁特别嘅交通工具。台车车速虽然只得40公里,不过因为架车冇门,所以都几刺激架。

乌来(20)乌来(21)乌来(22)乌来(23)乌来(24)乌来(25)乌来(26)

 

待续. . . . . .

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!