《2010年新春台北之旅》- 第二天(4) – 乌来三好米温泉会馆

打完电话去旅馆之后5分钟,三好米温泉会馆架私家车就黎到约定地点接我地,架车车身有三好米字眼,好易认得出。

三好米温泉旅馆(2)

 

三好米温泉会馆座落系山上嘅环山路旁,可以居高临下望见南势溪,由乌来老街坐车去只需大约5分钟车程。

三好米温泉旅馆(1)三好米温泉旅馆(3)三好米温泉旅馆(7)三好米温泉旅馆(6)

 

去到旅馆原来已经可以check-in,唔洗真系等到5点。因为我地系网上订房,已经俾晒钱,所以去到只需要俾张e-mail printout佢就可以check-in。三好米嘅职员感觉上好似都系part-time,唔系咁专业,而旅馆大堂装修亦系麻烦,感觉有D老土。

三好米温泉旅馆(4)三好米温泉旅馆(5)

 

原来三好米真系做米架,仲每人送左一支佢地出产嘅玄米酵素,听讲话可以清肠胃咁话,不过试左一嗒超难饮

三好米温泉旅馆(17)

 

搅完手续之后佢会讲解一次旅馆设施以及一D要注意嘅事,跟住话俾我地知点去我地间房。客房系地下一层,由呢个入口行落去就系。

三好米温泉旅馆(8)三好米温泉旅馆(9)

 

入到房第一个感觉系间房好大,应该有成七、八百呎。除左一间大睡房之外,仲有日式起居室。

三好米温泉旅馆(10)三好米温泉旅馆(11)三好米温泉旅馆(12)

 

我地住呢间房叫和风双人套房,系房入面有埋私人温泉架,而且亦有一张石床,床下面有温泉流过,暖暖地训落去都几得意,不过唔系咁舒服,所以只系训下做意思. . . . . .

三好米温泉旅馆(13)三好米温泉旅馆(14)三好米温泉旅馆(15)三好米温泉旅馆(16)

 

虽然间房好大,装修睇落又几好,不过睇真D就会发现唔系好掂D装修好求其,设施又旧又冇乜保养。总体黎讲,间房除左大之外冇乜优点。

 

今次去乌来主要系去浸温泉,所以先去试下佢个大池。三好米温泉会馆只有男女各一个公众池,男汤系客房同一层,而女汤就系大堂reception隔离。

三好米温泉旅馆(18)

 

同日本一样,浸温泉都系要全裸架,不过就冇浴袍俾客人换,所以需要系温泉嘅更衣室换衫。要浸温泉先要到大堂问职员要一条储物柜锁匙,跟住就可以打开温泉更衣室嘅储物柜,除左衫就放入储物柜,而柜入面亦有一条毛巾,用黎浸完温泉后抺身。虽然同日本比仲系差好远,不过都算OK囉。

三好米温泉旅馆(19)三好米温泉旅馆(20)

 

可能三好米温泉会馆都知道自己嘅餐饮质素好差,所以房租冇包晚餐,不过就有包埋早餐。本来我地想系浸完温泉之后出去乌来老街食晚饭,如果要去老街就需要旅馆车我地,而按照规矩,旅馆只会免费车住客两次,一次由老街去旅馆check-in,另一次就系check-out之后车返出去老街。如果需要另外车出车入,来回一次需要额外俾NT$100,不过都冇所谓啦。只可惜系个天由下午开始就不停落雨,而且越落越大又冇停嘅迹象,所以最后只好打消出去食晚餐嘅念头,改系旅馆入面食。不过旅馆只系提供一D固定嘅套餐,其实就只系碟头饭加一碗汤再加一杯饮品,每份NT$250。以下系我要嘅馒鱼饭,超难食!

三好米温泉旅馆(21)

 

求其食完餐饭之后唯有返入房听下雨,今晚就早D训,希望听日好天。临训前又试下房入面嘅私人温泉。

 

第二天行程完结

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share