《2010年新春台北之旅》- 第四天 – 鼎泰丰
[ 2010年2月17日 (星期三,年初四);天阴有雨;气温:around 15度]
好快又到左旅程最后一日,今日又系好晏起身。虽然丹迪旅店有包早餐,不过我地今日要去食小笼包
去到鼎泰丰啱啱开门冇几耐,不过已经有好多食客。又系点左D例牌嘢,食左NT$787。
食完鼎泰丰本来想再去食上次试过好好味嘅葱抓饼,点知要初五先启市
葱抓饼对面间冰馆,已经结左业囉。
原来度小月系永康街开左间分店。
去完永康街今次旅程安排嘅行程已经完成,跟住剩返D时间就系去买手信,然后返丹迪旅店攞返行李,再坐的士到台北车站隔离嘅国光巴士总站坐巴士入机场。
系机场等check-in嘅时候有好几团香港旅行团,好多团友都推住一盒二盒写住”维格”嘅手信。听讲维格嘅凤梨酥同埋绿豆糕都几好食架,而我地亦买左唔少。系桃园机场第一航厦亦有维格嘅分店,位置就系进入离境柜位之前嘅购物区,即系由check-in大堂搭扶手电梯上一层。如果打算系佢度作最后冲刺买D手信,最好唔好去航空公司柜台做check-in住,先上去买完放入喼先,再落返去check-in都未迟。
入左禁区之后都仲有D商店行下,不过就冇咩好买。
短短四日嘅新春台北之旅完满结束
如果喜欢这篇文章,请点个“赞”吧!