2012年京阪之旅(Day 3[上篇] – 日产租车京都駅前店取车)
系京都短暂停留两晚之后,今日要离开京都去有马温泉啦。因为去有马住一晚之后会转去大阪,所以有大件行李跟身,为免拖住行李坐公共交通工具,我地选择系呢两日自驾。
由于河原町同乌丸通一带并冇租车公司分店,所以只有选择系京都駅附近嘅租车店攞车,而事实上系京都大部份租车店都系京都駅附近,另外一D分店系较远嘅地方,所以京都駅会系比较方便攞车嘅地方,起码交通方便,河原町去坐巴士都好方便。
如果要拖住行李直接去租车店会好麻烦,所以朝早起身之后,先由一个代表(即系我),先去租车店攞车,再开架车返酒店接埋乘客同行李。
酒店对面就有巴士站,有巴士直去京都駅,因为仲好早冇乜人坐又唔怕塞车,所以决定坐巴士去京都駅攞车,唔洗行去地铁站咁麻烦。
攞车间租车店系日产租车京都駅前店,就系京都駅旁边嘅京都中央邮便局隔离,门口虽然细D,但好易揾,不过挂住攞车忘记左影租车店嘅相,下面呢张系系Google Map嘅实景照片嘅截图,图中红框位置就系日产租车京都駅前店。
呢张系日产租车京都駅前店嘅位置图。
加送两张京都駅照片。
今次又系通过乐天旅行网站黎租车(有兴趣知道租车手续嘅朋友可以参考呢篇如何通过日本乐天网租车嘅介绍),向日产租车店租左最平果个Class – P1,不过都唔平啊,两日都要成9,975円,冇买免责保偿。
由于之后会由有马温泉直接去大阪,唔会再返京都,所以租车时选择左系大阪还车。我地系大阪会住心斋桥道顿堀附近嘅Hotel Vista Grande Osaka,而最近呢区嘅日产租车店系难波OCAT店,系JR难波駅座building嘅地下负一层。因为大阪同京都相隔唔远,所以异地还车都唔需要收charge。
因为冇得指定车款,所以事前都唔知会系边款车,之前租呢个Class一般都会系March,不过今次系另一款,就系下面呢部车啦,日产Note。P1呢间Class通常系1300c.c.车,不过我觉得呢部Note有1500c.c.,因为都几有力,而佢嘅车厢内笼比March阔落好多。(D相系中途停车休息果阵影架)
同以前一样攞车时间大约用左半个钟,Check完车就开车走人。弊… 原来出黎攞车嘅时候冇带到酒店资料,虽然之前已经将所有电话number set左入部手机度,但系部手提电话留左系酒店房度。
点算好,冇电话number系手即系用唔到GPS,用唔到GPS即系等于盲左,点开架车返酒店。好在黎过京都几次,对地形都有少少印象,唯有睇路牌开车返去。其实都只系两条大直路,睇住路牌好易返到酒店。
我地住嘅Best Western Hotel Kyoto系冇停车场架,不过系佢对面(只系相隔唔够10米)就有个停车场,返到黎先将架车泊系度。
To be continued……
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!