2011年冲绳快闪观礼之旅(Day 1[上篇] – 那霸空港、国际通)

点解叫做"快闪之旅"?因为旅程实在太短,只系去得果4日,如果扣除左头尾各半日坐飞机时间,实际系冲绳嘅时间只得两日full day加两个半日时间,加埋顶晒隆都只可以话系三日。本黎都想留多几日玩耐D,不过撞正圣诞节,回程机位日日都full晒,冇计。

 

呢次旅程嘅主要目的,系出席屋企人系冲绳举行嘅婚礼,所以又叫"观礼之旅"。婚礼场地会系Day 3行程度post出黎,想睇冲绳教室嘅朋友请留意。

2011年冲绳之旅

 

从香港去冲绳嘅飞机,只有香港航空一间有直飞,其余嘅ANA同JAL都需要转机,所以我地当然选择搭香港航空啦。(Update:而家港龙航空都有机直飞冲绳,想揾香港至冲绳航班同机票价钱,可以Click呢度睇下。)

 

香港航空去冲绳嘅飞机系上午11:10起飞,飞行时间大约只系需要两个钟多D,日本时间下午两点半左右就到。(Update:而家航班时间好似推迟左15分钟。)

 

冲绳那霸空港嘅规模其实都唔细,不过同国内线相比,国际线大楼就相当细啦,国际线大楼只系单层建筑,入境同出境系同一个地方,而且候机室只有一个,即系话同一时间只可以处理一班出发航机的旅客。

 

呢度系国际线大楼出面,感觉有D似新加坡嘅Budget Airline Terminal。

冲绳那霸空港国际线大楼

注:因为挂住行冇时间影相,唯有系Google Map度截张实景图片黎顶档吐舌头

 

那霸机场离那霸市中心并唔系好远,而且有单轨火车连结机场同市区,所以由机场去市区相当方便。

 

单轨火车嘅那霸空港总站设系国内线大楼对开,出左国际线大楼之后,大约行3至5分钟到隔离嘅国内线大楼,照路牌指示上二楼再行过天桥就到。

那霸空港国内线大楼单轨火车那霸空港站

注:因为挂住行冇时间影相,唯有系Google Map度截张实景图片黎顶档吐舌头

 

由于行程紧凑,我地只会系那霸住一晚,我地入住嘅酒店叫Okinawa Nahana Hotel and Spa,位置系正县厅前駅同旭桥駅中间,由那霸空港駅坐单轨火车,5个站就到旭桥駅,出站之后行5分钟左右就到酒店。

那霸_Pic01

 

因为忙住搅手续,竟然望记影呢间酒店嘅相,唯有再向Google Map借张酒店外观相黎用住先。吐舌头

Okinawa Nahana Hotel and Spa外观

 

Okinawa Nahana Hotel and Spa其实并唔系我嘅首选,计划旅程嘅时候其实已经揾左好多那霸酒店嘅资料(注:呢D资料我已经整理成呢篇《冲绳那霸酒店推介》,有需要可以去参考下),本来系想住Hotel Rocore Naha或者Daiwa Roynet Hotel Naha Kokusaidori,不过由于同行嘅部分人会顺便去埋大阪,所以买左ANA嘅Package,而Package系那霸嘅酒店选择唔多,比较理想嘅就只得Okinawa Nahana Hotel and Spa呢一间,所以其他人都唯有订埋呢间酒店囉。

 

系酒店check-in完安顿好之后,都已经4点几。因为今次停留那霸嘅时间唔多,所以要争取时间,即刻出去国际通行街shopping。

 

由酒店行去国际通入口其实并唔远,只系600米左右,不过今次一家大细有老有嫩,步速较慢,所以都要行10分钟先到。

 

那霸_Pic02那霸_Pic03那霸_Pic04

 

其实国际通主要都系一条手信街,如果打算买手信,最好系呢度买啦,因为根据夹价结果,同一件商品系其他地方卖嘅价钱唔会平得过系国际通嘅价格。眨眼睛

 

那霸国际通_Pic01那霸国际通_Pic02那霸国际通_Pic03那霸国际通_Pic04那霸国际通_Pic05

 

To be continued…

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!