2012年双台风夹击下的台湾之旅(Day 2[下篇] – 日月潭)
因为日月潭Spa Home要等到下午3点先至有房,我地11点半到左之后,先搅左check-in手续,同埋放低行李,跟住就先出去玩啦 (关于日月潭Spa Home嘅介绍同住宿评价,可以参考呢篇《住@日月潭Spa Home》)。
虽然系话打紧风,不过系日月潭似乎冇乜影响,湖面依然系风平浪静,就连雨都唔多,只系间中有一两陈小雨。
日月潭嘅景点其实并唔系好多,最主要嘅景点系坐船游览日月潭同埋坐日月潭缆车,跟住就系行下水社码头附近嘅名胜街同伊达邵码头附近嘅商店街(但其实冇咩好行),之后可以坐公共汽车上去文武庙参观下,全程五个钟已经足够,所以去日月潭唔一定要过夜,如果以台中为基地,即日来回都可以架。
趁住天气仲未变差,我地先行过去水社码头坐船游日月潭。
名胜街系日月潭最热闹嘅购物街,好多酒店都集中系呢区,亦有一D食店。不过名胜街其实好短,舖头亦唔多,并唔系太有吸引力。
坐游览船嘅水社码头位于名胜街中间,去到就有好多人会问你系唔系坐船。系日月潭经营游船服务嘅公司有好几间,各自有自己嘅船,我地就系呢间(码头游艇公司)买左飞,睇样似乎最大间。
船票通常会买一日票,全日任坐,标价NT$300,实价NT$200。买左飞之后会系手背盖个印,有印就可以上船,唔洗show张船飞。
游览日月潭嘅路线通常系由水社出发,坐到玄光寺码头上岸,参观玄光寺,之后再上船去伊达邵码头,行商店街又或者行过去坐日月潭缆车,之后返回码头坐船返去水社码头。
在较大的地图上查看日月潭景点的位置
码头游艇公司嘅船系金色架,好易认。
船上有人介绍景点
好快到左第一站玄光寺码头,呢度只系得一个景点,就系山上嘅玄光寺。
茶鸡蛋系呢度著名小食,而且系唯一一间,当然迫爆。
原来而家台湾主要旅游客源已经系大陆游客,周围都见"陆客"踪影,就算打风日月潭都迫满一团团大陆游客。
山上嘅玄光寺
参观完玄光寺,再上返下一班船去伊达邵。
伊达邵码头
可能因为打风关系,伊达邵呢边好少舖头开门,好冷清。
系时候食午饭啦,不过好少舖开门,冇乜选择之下入左呢间食地道菜。味道…
我地求其食左D,再抖一阵就出发行去日月潭缆车站坐缆车。由伊达邵码头行去缆车站大约900米,沿着湖边用木板搭建嘅小路行大约10几分钟。
打风关系,人都唔多,好在仲系正常营业。
售票处系二楼。
我地买来回票,每位NT$250。如果打算由山上嘅九族文化村坐公共汽车走,亦可以买单程票,不过单程只平NT$10。
因为冇咩人,工作人员都唔洗点做嘢,自己中意坐边架就上边架啦。
缆车系山上嘅终点站就系九族文化村,呢度三四月有樱花,不过其他季节应该冇乜特别,只系一个机动游戏嘅游乐场,所以冇咩人入去。
坐完日月潭缆车,我地再沿路行返去伊达邵码头,然后再坐船返水社。返到去啱啱三点几,可以去酒店攞房,酒店介绍请睇呢篇《住@日月潭Spa Home》。
系Spa Home休息一轮之后时间都仲好早,决定趁天气仲好,再去埋文武庙参观。去文武庙可以坐日月潭环湖公共汽车,公共汽车站系水社游客中心,坐10分钟就到文武庙。环湖公共汽车嘅班次好疏,30分钟一班,所以最好睇定时间。
参观完文武庙,日月潭主要景点都基本去晒,仲有成个夜晚流流长唔知可以做D乜,因为一入夜,水社就变得静英英,最热闹都系街口呢间7-11,真系有D后悔决定系日月潭住一晚。
唯有先食晚饭,再返酒店hea下。我地去左呢间叫明湖老餐厅嘅老牌食店,就系水社码头旁边,D食物真系几有水准,味猪脚好正,招牌菜系总统鱼,不过冇咩兴趣,所以冇点到。
食完饭系七仔行下,就返酒店抖啦,最后睇埋酒店房度影出去日月潭入夜嘅风景。
– Day 2 完 –
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!