2013年日本关西、北陆赏樱自驾游 – Day 3:京都醍醐寺、平安神宫、仁和寺

京都系日本最多赏樱地点嘅城市,如果系满开期间,即使停留三、四日都唔嫌多。我们原本嘅planning系打算留系京都三日赏樱,可惜关西樱花提早左开,所以临出发前改左行程,将留系京都嘅日数缩短到一日半。今日嘅行程重点选择左三个较迟开花嘅京都樱花名所,其他地方因为樱花已经一早开晒,去都冇谓啦。

2013年日本关西、北陆赏樱自驾游 – Day 3

 

2013.4.7 | 雨、一时晴

 

朝早起身第一时间睇下窗外仲有冇落雨,发现天阴阴但雨又唔怕好大,总算比寻日好好多啦。系京都呢两晚酒店都有包早餐,今日食左个和式早餐。

2013OsakaTrip_Day3_01

 

樱花期间酒店大堂每日都会张贴京都主要樱花名所嘅最新开花情况,不过同实际开花情况似乎有一D出入,下图见到好多景点都贴左系满开,但查实已经凋落得七七八八。

2013OsakaTrip_Day3_03

 

另外大堂内亦有提供一D有夜樱嘅赏樱地点嘅开放时间资讯。

2013OsakaTrip_Day3_02

 

食完早餐开车向第一个赏樱名所醍醐寺进发,醍醐寺位于京都駅西边,开车过去要大约半小时。

2013OsakaTrip_Day3_042013OsakaTrip_Day3_052013OsakaTrip_Day3_06

 

系前往醍醐寺路上嘅时候都仲唔系好大雨,不过一到步雨势又大起黎,真系扫兴伤心。醍醐寺系京都名刹,不过寺院内外因为落雨关系变得一地泥泞。

2013OsakaTrip_Day3_07

 

原本以为呢度嘅樱花开花期会较长,点知都系已经凋落得七七八八。

2013OsakaTrip_Day3_082013OsakaTrip_Day3_09

 

入寺内要买门票

2013OsakaTrip_Day3_10

 

寺内其实冇乜野睇,樱花树比寺外仲少。

2013OsakaTrip_Day3_112013OsakaTrip_Day3_122013OsakaTrip_Day3_13

 

离开醍醐寺我地开车返去京都市中心,目的地系另一个花期较迟嘅平安神宫,而系平安神宫附近,仲有冈崎疏水、蹴上インクライン呢D赏樱名所,开车经过果陴顺便都睇睇,不过花儿都已经凋落。

2013OsakaTrip_Day3_14

 

呢间系平安神宫附近嘅京都美术馆,佢有个地下停车场,我地就将架车泊呢度,就算落起雨黎上车都冇咁狼狈。

2013OsakaTrip_Day3_15

2013OsakaTrip_Day3_16

 

美术馆同平安神宫之间嘅公园入面嘅樱花,似乎系今次旅程到呢刻为止睇到开得最靓嘅樱花,咁好个天又唔再落雨,所以先黎个狂影。

2013OsakaTrip_Day3_172013OsakaTrip_Day3_182013OsakaTrip_Day3_19

 

上年都黎过平安神宫,当时因为太早仲未开花,所以冇入去里面嘅神苑,今次虽然系倒返转迟左,但系应该都仲有D花可以睇嘅。

2013OsakaTrip_Day3_202013OsakaTrip_Day3_222013OsakaTrip_Day3_232013OsakaTrip_Day3_242013OsakaTrip_Day3_25

 

平安神宫入面有人扮演古代人,同佢地影返张相先。

2013OsakaTrip_Day3_21

 

入神苑要买飞,大人每位600円。

2013OsakaTrip_Day3_26

 

虽然已经过左满开,但系神苑入面嘅樱花都仲几OK。

2013OsakaTrip_Day3_282013OsakaTrip_Day3_292013OsakaTrip_Day3_302013OsakaTrip_Day3_312013OsakaTrip_Day3_322013OsakaTrip_Day3_332013OsakaTrip_Day3_34

 

行完平安神宫系时候要食中午饭,今餐去河原町间渔心寿司食。

2013OsakaTrip_Day3_352013OsakaTrip_Day3_36

2013OsakaTrip_Day3_372013OsakaTrip_Day3_38

 

食完午饭先系寺町通步行街行下,顺便到药房入货。去关西如果要买药品,推荐大家去呢间系寺町通上嘅药房,佢嘅价格系大阪同京都黎讲可以算得上系最平嘅一间,如果星期六黎,仲有9折优惠,超抵。

2013OsakaTrip_Day3_392013OsakaTrip_Day3_40

 

下午我地再去多一个樱花名所 – 仁和寺。仁和寺嘅樱花品种属于较迟开花嘅御室樱,所以就算其他地方嘅樱花已经凋落,呢度嘅樱花都只系开左5分。

 

先去到仁和寺停车场泊好架车

2013OsakaTrip_Day3_41

 

停车场旁边有档野卖樱花盆栽

2013OsakaTrip_Day3_42

 

御室樱比其他品种嘅樱花树矮一D,花系白色嘅,似乎冇粉红色嘅黎得艳丽。不过因为呢度较迟开花,所以系我地今次系京都见到最靓樱花嘅地方。

2013OsakaTrip_Day3_442013OsakaTrip_Day3_452013OsakaTrip_Day3_462013OsakaTrip_Day3_472013OsakaTrip_Day3_49

 

入去仁和寺果阵我地系从停车场旁边嘅侧门进入,走嘅时候专登从正门出去顺便影个正门。

2013OsakaTrip_Day3_502013OsakaTrip_Day3_512013OsakaTrip_Day3_52

 

离开仁和寺返酒店嘅时候,我地专登兜去哲学之道,不过冇落车,因为呢度D樱花又系凋落得七七八八,景色唔靓。

2013OsakaTrip_Day3_532013OsakaTrip_Day3_54

 

最后介绍下今晚食D乜,就系酒店对面近铁京都駅入面呢间江户川鳗鱼饭专门店。

2013OsakaTrip_Day3_552013OsakaTrip_Day3_562013OsakaTrip_Day3_572013OsakaTrip_Day3_582013OsakaTrip_Day3_59

 

– Day 3 完 –

 

>> 返回2013年日本关西、北陆赏樱自驾游》总目录

fb share

如果喜欢这篇文章,请点个“赞”吧!

fb share

14 comments

  • Cane

    各位ching,

    一行6人 (有2个朋友有车牌) 打算安排由关西落机后自驾到白川乡, 再到高山一宿,
    第二朝高山回名古屋过第二宿.
    第三日由名古屋到和歌山

    明白以上自驾需时稍长, 但是否亦会比搭其他交通工具平 ?

    另想请问问租车网上是否都可选择租借 ETC 卡 ?

    由关西落白川乡再回头到关西, 是否只租 ETC 一种卡就可适合所有高速公路 ?

    谢谢

    • Dilbert MO

      6个人如果租一部七人/八人车连高速公路和油费的费用会比坐火车或者高速巴士平, 最重要是方便少麻烦.
      租车网未必个个都可以租车同时选择要ETC卡, 但即使租车时不可以选择, 也可以事后联络租车公司安排, 最重要是预先确定你取车的分店是否可以租ETC卡, 因为即使同一租车公司也不是每间分店都有.
      ETC卡所有高速公路都可以用, 但如果你购买中日本的CEP就不可以覆蓋你行程的所有高速公路, 但如果购买ToCoo的TEP, 你行程所有高速公路都可以包括在内.

  • Cane

    我们一行6人, 已选择由关西落机后就自驾到白川乡 (有2个司机), 虽然驾车时间长, 但计起搭其他交通, 车费上应该会平好多. 请问对吗 ?

  • Anonymous

    oh, so good information !!
    Thanks C hing !!

  • Dilbert MO

    三条名店街/ 寺町通/ 新京極商店街/ 錦市場呢一區D商店關門嘅時間唔同,錦市場果D賣食材嘅商店會早close D,一般7點就關門. 但新京極商店街上賣衫賣手信店鋪會晏D先close, 藥房就最晏, 印象中10點之後都仲未close.

    食店相對就會開得夜D, 不過呢度較少有一D賣可以一邊行一邊食嘅食物,多數係入去店內食. 如果想係好夜都仲熱鬧, 可以去鴨川旁邊嘅西木屋町通同先斗町, 不過可能會雜一D.

    三条名店街/ 寺町通/ 新京極商店街/ 錦市場當然唔及心斎橋人多同熱鬧,店舖亦冇咁多,不過我唔係太中意心斎橋咁迫人,反而中意係京都呢區行. 另外如果要去藥房最好係寺町通同新京極商店街之間果間藥房買,比大阪平好多.

    錦市場並冇好似黒門市場咁有生果同魚生買,主要都係賣一D傳統日本食物,而且只係一條比較窄的巷,不過比黒門市場有日本feel. 如果想買生果返去,京都好似冇咩地方.

  • Anonymous

    師兄, 又係我呀,
    plan緊京都行程……

    想問問你, 三条名店街/ 寺町通/ 新京極商店街/ 錦市場……..
    呢d商店街係咪都比較早Close ? 上過d官網, 好似~8:00pm
    d鋪就閉門………. 因為夜鬼, 想7~10pm再行下街(藥房) or
    掃街(邊行邊食)

    另外, 以上幾條商店街, 似唔似心斎橋, 道頓堀嗰種?
    定舊式古老d ?

    再問, 錦市場有冇正生果賣 ?
    見過大阪 黒門市場 有大大粒士多啤梨賣, 又平……..
    但走嗰日在京都, 又唔太想返去黒門市場特登只買士多啤梨….

    Thanks !!!! ^_^

  • Dilbert MO

    你可以用Times個網查到日本各地停車場的資料,不過仲有一D唔係屬於佢網絡的停車場就冇資料,下面條link係大阪市停車場
    http://times-info.net/view/park/map.jsp?prefecCd=27

    黑門市場後面D小路都有一D細細地的停車場,有一D只係30分鐘200yen, 你可以駛入去搵下.

  • Anonymous

    師兄, 又再請教,
    有冇印象大阪 黒門市場 附近有冇平少少嘅停車場 ?
    因為官方嗰個幾貴下, 星期六要20分300円 …..

    另, 己book ブルーウェーブイン四ツ橋, 洒店提携駐車場”長堀駐車場”, 要2500円一晚, 我用Google Map實景望過下, 洒店附近好似有d露天停車場, 24hr最大1000~1800円, 但我懷疑Google Map唔知up唔update …..
    可否幫忙望下? 或有冇d 停車場搜尋網介紹下?

    Thanks !!!!

  • Anonymous

    正呀, thanks for your info !!!!
    我而家放心好多了 …………..

  • Dilbert MO

    去日本我都好中意自駕,因為唔需要去煩D火車資料。
    如果要去天橋立咁遠,應該係有需要自己開車啦。
    清水寺同八坂神社附近有好多泊車地方,最近清水寺而又大D的停車場在五條坂近七味家,不過我通常係泊高台寺停車場,泊了車沿二年坂三年坂行去清水寺沿唔多野睇。
    金閣寺有自己停車場,泊一次好似係800yen
    只要不是祭典期間,遊人都唔會太多,泊車位亦足夠,不過如果是祭典期間情況就不同。

  • Anonymous

    WOO WOO …… THX !

    其實都揸過日本4~5次, 真係試過日本自駕就唔想再撘車, 當中北海道自駕最爽, 但大阪, 京都好多網友叫我唔好揸……. 但因為想帶老婆去天橋立, 所以我諗照揸…. 市區D駐車場都泊過, 第一次盲中中泊, 但幾過引, 係
    京阪D駐車場貴D…….

    想問多少少, 請問清水寺 OR 八坂神社, 附近應該有
    停車場仔 ? 仲有金閣寺停車場 …. 主要都係去D熱門寺廟,
    同埋”理論上”, 星期1~2, 應該比星期6~日少人D掛 ?

    THX !!!

  • Dilbert MO

    京都和大阪雖然車多些,不過自駕都唔難,只是有時候找地方要轉多幾個圈,又或者間中會遇上塞車,尤其放工時間的京都駅附近.
    泊車方面其實問題不大,在日本只要有空地,很多都會用來做小型停車場,雖然很多只是可以停泊幾部車,但加起來總數都不少.不過這些泊車位大多數設在內街,所以如果在主街找不到車位,轉入去內街通常都可以找到.另外,京都市中心也有不少地下停車場,也可以使用.

  • Anonymous

    師兄, 嚟近小弟都同老婆國慶假期快閃去4日3夜京阪自駕遊,

    其實很多人都說 京, 阪, 神…… 根本不要(用)自駕 …..
    但以往游日本, 多數自駕…… 己上引了 ……
    雖說會碰上塞車….. 但, 仍很想自駕 ……

    你京都覺得難嗎 ? 停車場好難有位 ?

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share