2013年首尔赏枫自由行 – Day 4 (Part 2)：梨大、宏大、东大门批发市场

系市政厅广场参观完韩国农品展之后，我地继续今日嘅行程去梨大。因为附近路面交通都比较塞车，我地决定坐地铁过去。本来以为地铁站就系地面底下，但原来下面系1号线车站，而去梨大要坐嘅2号线车站要行一段颇远嘅距离先到。

地铁站内

地铁站内嘅长板凳有几款公仔装饰

从梨花女子大学站走出路面，感觉有D欧洲feel，沿地铁站前呢条路向前行唔远就系梨花女子大学。

呢度就系梨花女子大学，游客都可以入去校园参观影相，不过就入唔到去教学大楼里面。

梨花女子大学前面嘅街道开左好多小店舖，当然绝大部份系卖女仔嘢。

离开梨大，下一站我地去到宏大。宏大同梨大之间距离都几远，所以我地坐的士过去。

呢条叫西桥路，前面就系宏大校园。

呢条叫未来路，有D似台中逢甲夜市。

呢间Hello Kitty Cafe系未来路中段一个小巷入面，入去见识下。

蛋糕除左有Hello Kitty造型之外，味道并冇咩特别之处。

Cafe里面卖嘅Hello Kitty礼品

今晚呢餐食日本丸龟制面

返酒店休息一阵之后，今晚仲有节目，就系去东大门嘅批发市场见识下。Hotel Skypark每晚都有免费穿梭巴士车住客去东大门，我地book左坐9点钟出发嘅第一班车去。

穿梭巴士只系一部小巴，座位有限，所以一定要预先book位。

车上面除左我地之外其他全部都系日本人

因为演技差又冇做功课，唔识扮系攞货嘅人，所以系批发市场斋睇冇买。

系批发市场买唔到嘢唯有去返做零售嘅Doota同Migliore商场

返酒店都可以坐酒店穿梭巴士，上车地点就系Migliore同Hello apM之间条内街，不过因为车细人多，要预早去排队，但系天寒地冻要企街边排队等车都几系嘢。

返到酒店又系宵夜时间

– Day 4 完 –

相关文章：

• 首尔明洞酒店推介
• 2014年韩国首尔新酒店
• 住@首尔明洞天空花园酒店(Hotel Skypark Central Myeongdong Seoul)
• 住@首尔明洞王子酒店(Prince Hotel Seoul)
• 首尔免费无线上网 (Seoul Free WiFi)
• 2013年首尔赏枫自由行 – Day 1 (Part 1)：坐真航空澳门飞首尔
• 2013年首尔赏枫自由行 – Day 1 (Part 2)：夜游清溪川首尔灯节
• 2013年首尔赏枫自由行 – Day 2 (Part 1)：土俗村人参鸡、游览景福宫
• 2013年首尔赏枫自由行 – Day 2 (Part 2)：仁寺洞、平安道猪手
• 2013年首尔赏枫自由行 – Day 3 (Part 1)：南山公园睇红叶
• 2013年首尔赏枫自由行 – Day 3 (Part 2)：巧遇首尔初雪
• 2013年首尔赏枫自由行 – Day 4 (Part 1)：德寿宫
• 2013年首尔赏枫自由行 – Day 4 (Part 2)：梨大、宏大、东大门批发市场
• 2013年首尔赏枫自由行 – Day 5 (Part 1)：广藏市场、鹭梁津水产市场
• 2013年首尔赏枫自由行 – Day 5 (Part 2)：明洞购物、景福宫烤肉
• 2013年首尔赏枫自由行 – Day 6 (Part 1)：昌德宫秘院赏红叶
• 2013年首尔赏枫自由行 – Day 6 (Part 2)：坐首尔机场火车去仁川机场，首尔再见了
• 2009年圣诞首尔之旅