2013年首尔赏枫自由行 – Day 5 (Part 1)：广藏市场、鹭梁津水产市场

今日嘅行程主要去行街市，包括系东大门附近嘅广藏市场，同埋系江南汝矣岛附近嘅鹭梁津水产市场。

广藏市场就系地铁车站旁边，当然我地唔系坐地铁去，而系坐的士。广藏市场分为唔同区域，有D卖日用品，有D卖衣物，最受欢迎嘅当然莫过于熟食区。

的士司机系南边嘅入口放低我地，呢区系日用品区。

呢度有多间售卖韩国婚嫁礼品嘅店铺

呢度仲有D卖砂煲罂罉嘅杂货店，如果想买返D韩国铜煲返屋企，系呢度会有好多选择。

之后黎到卖海鲜嘅湿货区

终于黎到最受欢迎嘅熟食区，呢度有各式韩国小食，大部份都有地方可以坐低食。

呢度最出名系市场中间呢间绿豆饼

旧绿豆饼好大，一块4000韩圜已经足够两个人食。

食完绿豆饼再系对面呢间食红豆粥同南瓜粥，不过红豆粥系咸嘅，食落味道怪怪地。

行完广藏市场下一站系去鹭梁津水产市场，从江北去江南路程比较远，坐的士费用都要万几韩圜。不过坐的士有度好处，就系可以直接去到鹭梁津水产市场嘅落货区落车，唔洗行天桥过去。

鹭梁津水产市场地方湿立立，唔系咁好行，09年黎过一次，本来都唔想再黎，但系屋企人未黎过，当系见识下带佢地黎一次。

黎到鹭梁津水产市场最主要嘅目的当然系食海鲜，不过我自己觉得韩国人唔系咁识烹调海鲜，虽然海鲜材料好新鲜，不过煮完之后味道麻麻，而且煮果阵又好求其，唔会俾D心机洗干净。09年黎完之后已经讲过唔会再黎，今次为左陪家人免为其难，不过真系唔会再有第三次囉，食海鲜都系留返系日本。

呢餐并唔系食左好多嘢，买料用左七万几，餐厅service charge三万几，总数11万韩圜，感觉唔多值。

– Day 5 未完，待续 –

相关文章：

• 首尔明洞酒店推介
• 2014年韩国首尔新酒店
• 住@首尔明洞天空花园酒店(Hotel Skypark Central Myeongdong Seoul)
• 住@首尔明洞王子酒店(Prince Hotel Seoul)
• 首尔免费无线上网 (Seoul Free WiFi)
• 2013年首尔赏枫自由行 – Day 1 (Part 1)：坐真航空澳门飞首尔
• 2013年首尔赏枫自由行 – Day 1 (Part 2)：夜游清溪川首尔灯节
• 2013年首尔赏枫自由行 – Day 2 (Part 1)：土俗村人参鸡、游览景福宫
• 2013年首尔赏枫自由行 – Day 2 (Part 2)：仁寺洞、平安道猪手
• 2013年首尔赏枫自由行 – Day 3 (Part 1)：南山公园睇红叶
• 2013年首尔赏枫自由行 – Day 3 (Part 2)：巧遇首尔初雪
• 2013年首尔赏枫自由行 – Day 4 (Part 1)：德寿宫
• 2013年首尔赏枫自由行 – Day 4 (Part 2)：梨大、宏大、东大门批发市场
• 2013年首尔赏枫自由行 – Day 5 (Part 1)：广藏市场、鹭梁津水产市场
• 2013年首尔赏枫自由行 – Day 5 (Part 2)：明洞购物、景福宫烤肉
• 2013年首尔赏枫自由行 – Day 6 (Part 1)：昌德宫秘院赏红叶
• 2013年首尔赏枫自由行 – Day 6 (Part 2)：坐首尔机场火车去仁川机场，首尔再见了
• 2009年圣诞首尔之旅