2014年环濑户内海自驾游(Day 1) – 再到大阪
虽然由澳门飞大阪嘅航班时间好正,上午11点几起飞,下午3点几到,不过过完海关再入到市区通常都已经系5点几,冇咩时间再安排行程,所以第一日一般只留系酒店附近行下街。
例牌Show返张航班相
出发当日澳门天气麻麻,希望去到日本唔好系咁……
未到五一,机场唔系咁旺。
终于到关西空港啦,睇黎天气唔差㖞。
出发之前系南海电铁官网睇到从关西空港到难波嘅特急ラピート(rapit)新票价比以前平左,普通席大人单程车票只系1,130yen。
先去南海电铁售票处买车飞
买完飞行过对面等上车
今日只会系大阪住一晚,入住嘅酒店系一向住开嘅Cross Hotel Osaka,不过由于系日本黄金周,房价超贵,Semi-double房都要接近20,000yen一晚。
想睇详细嘅酒店介绍,可以参考返呢篇住@大阪Cross Hotel Osaka。
Check-in完都已经就黎6点,趁个天仲未黑快D系心斋桥附近行下街。
从4月1日起日本将消费税税率由5%增加到8%,为左吸引旅客消费,心斋桥一带唔少商店都向外国游客提供5%折扣,只要卖单俾钱时出示护照就可以。
冇去一年今次去发现开左好多新食店,呢间系道顿堀叫大起水产嘅回转寿司好明显系专做游客生意,蒙盛盛撞左入去,果然唔得。
食完又再行下
今次仲行埋过去CPA,就系心斋桥大丸百货对面马路,旁边就系日航大阪酒店。不过呢度唔系咁多人,唔啱行,最重要系呢度买嘢冇退税,本黎睇啱个Samantha袋,不过冇得退税都系放返低等去其他可以退到税嘅地方先买啦。
虽然心斋桥系旅游旺区,但系好多舖头九点几就关门,不过唔洗怕,仲有药店未关门,呢两间位于戎桥同大丸之间嘅药店开到十点几,而且红色招牌呢间コクミン嘅价钱系区内算系比较平嘅一间,大部份商品都抵买过对面黄色招牌果间マツモトキヨシ。
行到十点几仲未够喉?可以去呢间位于戎桥筋嘅スギ薬局戎桥筋店,呢度嘅营运时间去到半夜12点。
从今年10月1号起系日本买药物同化妆品都已经可以免税啦,但就只限系有免税店标志嘅店舖买先有得退税,上面几间好似都唔退得税,详细D嘅介绍可以睇下呢篇十月一日起外国旅客购买日本药妆、食品免征消费税。
咁夜仲未关门嘅除左药店之外原来仲有呢间系道顿堀大阪松竹座对面嘅章鱼烧,咁夜仲咁多人排队一定系好嘢啦。
买返客返酒店做宵夜
仲有系超市买嘅草莓同埋每次去日本必食嘅呢只鸡蛋布丁
第一晚只系买左少少嘢
– Day 1 完 –
返回游记主目录 >> 2014年环濑户内海自驾游 – 序章
往年日本关西游记:
明白,謝謝!
南海電鐵的特急ラピート總站就在難波, 如果你去心齋橋, 應該不需要轉車, 就在難波總站落車, 不過從難波去心齋橋還需要行一段路, 有少少辛苦. 不過就算轉坐地鐵也不會有太大幫助, 因為從難波站去心齋橋只有一個站, 坐地鐵反而麻煩.
請問我在關西機場搭特急ラピート到去心齊橋應在什麼轉車?謝謝!
唔會啊, 我今年5月在四國都係用ETC卡行高速公路, 而且係NEXCO西日本網站見唔到有四國不可以用ETC卡的通告. 會唔會係租車公司冇ETC卡借, 而唔係唔可以用ETC卡啊.
請問在四國自駕遊是否不可以用ETC咭?因有朋友最來在四國自駕遊時租車公司話唔可以用ETC咭,所以租車公司無比ETC咭佢。