2014年环濑户内海自驾游(Day 8) – 黑门市场
每次大阪之旅嘅最后一日总系去黑门市场,感觉开始有D闷,不过都冇法,因为返澳门班机系下午2点机,朝早唔想太赶去较远嘅景点,所以次次都系去黑门市场买D生果返去,希望下次改变一下啦。
今次住难波东方酒店距离黑门市场近好多,行过去3分钟都唔驶就到。
好多人都中意系黑门市场食嘢,我地就好少咁做,因为觉得呢度食店麻麻,不过今日未食早餐,所以都试下系呢间好多人食嘅食店食早餐,不过味道真系只属一般。
其实黑门市场买生果来来去去都系去呢两间较大嘅商店
今期系草莓当造
桃都唔错
仲有巨蜂提子
西瓜都好沙㖞
仲有密瓜,真系唔知买边样好。
呢D都唔错㖞
买生果嘅时候见到呢只好可爱嘅狗狗,不过每次同佢影相佢都会拧转面,好有狗明星嘅脾气啊。
中午临走前本黎想食返次自由轩嘅咖哩饭,不过好多人排队,只可放弃。
最后去左难波东方酒店对面呢间三田制面所
面嘅食法有D怪,每次食嘅时候将要食嘅面浸落汤再食,不过重点唔系食法问题,而系味道唔好食,食左一半已经唔想再食落去啦。
系时候去机场啦,由难波东方酒店去南海电铁嘅难波车站只需要2-3分钟,今次唔驶拖住行李行咁长路啦。
或者好多人都已经知道,不过今日冇咩写,呢度就用D篇幅讲一讲难波车站连接月台同地下嘅升降机位置啦。南海电铁嘅月台系位于难波车站嘅三楼,从三楼落去地下,又或者从地下上去三楼,每层都有扶手电梯,所以基本上就算有行李都冇问题,不过如果想坐升降机直上都有办法。
右边扶手电梯可以上去三楼月台,如果要坐升降机,就唔好上扶手电梯,继续向前行。
沿住地下条黄色导盲线行就会去到呢个有升降机标示嘅指示
转入去会见到一排locker,行到尽头,一边系去swissotel Nankai Hotel,另一边就系升降机。
升降系三楼嘅出口,旁边有一间uniqlo,然后就系出入闸口,再过去就系售票处。
由大阪入去机场都系坐返呢只特急ラピート(rapit)列车
大阪去关西空港车程大约35分钟,系车度食埋呢两件甜品先。
又黎返第一日坐火车入大阪嘅车站
行过天桥就系Terminal 1
Check-in之前先去地下入境大堂南面嘅宅急便收件处寄返今次旅程中租嘅WiFi Router。
过海关啦
候机室
买盒朱古力上机食,为今次旅程划上完美句号。
– Day 8 完 (全篇完) –
返回游记主目录 >> 2014年环濑户内海自驾游 – 序章
往年日本关西游记:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!