2014年圣诞节北海道赏雪之旅 – 序编
因为怕冻嘅关系,咁多年嚟都唔想去一D天寒地冻大雪纷飞嘅地方旅行,不过旧年圣诞节终于决定试一试,去咗北海道过一个白色圣诞,尝试下踏雪嘅滋味。
虽然每次去日本都系自驾,不过自己仲未有信心可以喺大雪下揸车,而经过今次见识过雪地嘅实际路况之下,更加确信对于我哋呢D唔系生活喺北方嘅人,喺雪地下真系唔系太适合自驾。冇得自驾交通就变得麻烦好多,所以今次旅程只系去咗札幌同埋附近嘅小樽同二世古呢两个地方,行程唔赶,hea住嚟玩。
一、行程与游记
今次旅程只系去七日,第一日同第七日查实只系坐飞机,所以实际上只有五日时间玩,不过因为我哋去嘅地方唔多,所以都已经足够。以下是呢七日旅程中每日行程嘅简介同游记:
第一日 – 从澳门去札幌,今年同五年前去北海道一样都系坐大韩航空经首尔转机,去到新千岁机场大约系下午一点,入到札幌都只系三点几,不过由于坐零晨机比较攰,所以第一日只喺札幌駅附近行吓商场同地下街。
游记:2014年圣诞节北海道赏雪之旅(Day 1) – 初踏雪地
第二日 – 第二日嘅行程主要系去北海道神宫,之后就留喺狸小路行街。
游记:2014年圣诞节北海道赏雪之旅(Day 2) – 北海道神宫
第三日 – 第三日系今次旅程嘅重头戏,因为今日会去二世古,不过唔好误会,我哋唔系去滑雪,只系去睇雪同浸温泉。本嚟计划先到滑雪场睇下再返温泉旅馆,但却遇上大风雪,唯有提前去旅馆浸温泉hea下。
游记:2014年圣诞节北海道赏雪之旅(Day 3) – 初遇大风雪@二世古
第四日 – 呢日朝早冇前一日咁大风雪,所以去咗二世古Hirafu滑雪场睇下,不过好快又有大风雪,所以留咗唔系好耐就坐火车返去下一站小樽。
游记:2014年圣诞节北海道赏雪之旅(Day 4) – 二世古Hirafu滑雪场
第五日 – 第五日行程主要喺小樽堺町通行街shopping,大雪覆蓋下嘅堺町通同上次秋天所见嘅完全两个世界,喺度慢慢hea到黄昏,先返酒店攞返行李返札幌。
游记:2014年圣诞节北海道赏雪之旅(Day 5) – 踏雪游小樽
第六日 – 去完二世古同小樽之后第六日又返嚟札幌继续行程,今日原来plan咗去札幌场外市场,但行出地铁站发现天气环境好恶劣,最后缩沙冇去,转战有瓦遮头嘅狸小路同地下街,而呢日重点节目系夜晚去大通公园嘅札幌白色灯树节。
游记:2014年圣诞节北海道赏雪之旅(Day 6) – 札幌白色灯树节
第七日 – 今日系旅程最后一日,所以札幌冇行程,因为新千岁机场都有好多嘢睇同好多嘢买,上机前嘅时间就喺新千岁空港影相买嘢。
游记:2014年圣诞节北海道赏雪之旅(Day 7) – 新千岁空港多啦A梦乐园 (coming soon…)
二、住宿酒店
今次旅程分别入住咗四间酒店,其中两间系札幌嘅酒店,另外两间就分别系二世古同小樽嘅温泉旅馆。由于冬天大雪,所以喺札幌嘅酒店专登选择近札幌駅嘅酒店,方便坐JR,以免冬天拖行李行较长距离嘅路。
喺札幌嘅两间酒店,位置同质素都好满意,算系冇拣错,只系对第一间札幌三井花园酒店嘅服务有D唔满意。至于今次入住嘅两间温泉酒店,就真系超中意,而且喺冬天入住温泉旅馆就更加好feel。下面系今次入住嘅四间酒店:
1. 札幌三井花园酒店(Mitsui Garden Hotel Sapporo)
住宿天数:2晚,Day 1 & Day 2
房间类型:高级双人房(スーペリア ダブルベッド)
住宿费用:两晚32,400円,不包早餐
订房渠道:日本乐天旅行
住宿评价:《住@札幌三井花园酒店》
2. 二世古ニセコ昆布温泉鹤雅别荘 杢の抄
住宿天数:1晚,Day 3
房间类型:和洋室(ツインベッド+畳スペースの、52平米の和洋室)
住宿费用:47,520円,两人入住,包早餐和晚餐
订房渠道:日本乐天旅行
住宿评价:《住@二世古ニセコ昆布温泉鹤雅别荘 杢の抄》
3. 小樽运河の宿 小樽 ふる川
住宿天数:1晚,Day 4
房间类型:运河侧ツインルーム
住宿费用:39,100円,两人入住,包早餐和晚餐
订房渠道:日本乐天旅行
住宿评价:《住@运河の宿 小樽 ふる川》
4. 札幌世纪皇家酒店(Century Royal Hotel Sapporo)
住宿天数:2晚,Day 5 & Day 6
房间类型:时尚双人房(スタイリッシュダブル)
住宿费用:两晚27,000円,不包早餐
订房渠道:日本乐天旅行
住宿评价:《住@札幌世纪皇家酒店》
三、二世古交通
二世古系今次旅程嘅重点,不过由于冬季北海道不便自驾,所以去二世古不得不乘坐公共交通工具,经过一轮研究,我哋最终选择咗坐火车,迟吓会将今次计划行程嘅时候收集到嘅二世古交通资料整理出嚟俾大家参考。
相关文章:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!