2012年雙颱風夾擊下的台灣之旅(Day 1[上篇] – 乘高鐵往台中)

雖然颱風正在慢慢迫近台灣,但係機票一早已經買左,唯有硬住頭皮照去啦,上到機先知原來人人都係咁照去,全機full晒,好似當颱風冇到咁。

CIMG0017

 

出發時正值端午節臨近,機場都放左D節日裝飾。

CIMG0002CIMG0003

 

Check-in完仲未夠鐘上機,又去機場貴賓室抖抖,順便食埋個早餐,幾個月冇去,原來而家貴賓室改左新規矩,以前攞住張VISA或Master金卡可以無限任用,而家改左要睇簽帳額黎定可以使用次數,而且間間銀行唔同計法。

CIMG0005CIMG0009

 

今次又係坐復興航空,貪佢機票平D,而且時間又好D,可以早D去又晏D返,不過食物就認真麻麻。很遜

CIMG0024

 

今次都係用返呢本旅遊書,不過係今年新版,但點解抽起晒頂泰豐嘅介紹呢?起先仲以為頂泰豐執左?沉思

CIMG0021

 

出發之前幾日,發生左桃園機場俾雷電擊中嘅事件,而天氣報告又話今日台灣有雷雨天氣,好擔心降落果陣會唔會擊中我地目瞪口呆。但係果日全程都冇風冇雨喎,天氣預報好似唔多準。

CIMG0025

 

原來桃園機場第一航廈做緊改建工程,有D已經完工嘅部份已經開始使用,真係新好多同大過舊時好多。

 

新嘅入境大堂。

CIMG0040CIMG0041

 

新嘅公車站改左係入境大堂下一層,地方大左好多。

CIMG0043CIMG0045

 

我們今日會坐高鐵去台中,所以會先坐705號公車去高鐵桃園站,上車前先係呢個2號售票櫃位買飛先,一位NT$30。

CIMG0046CIMG0049

 

買左飛就係出面上車,公車班次好密,好快就有一班,所以唔洗急。

CIMG0044CIMG0055

 

大件行李可以放係車中間車門對住嘅空位,因為架車係直達高鐵站,中途冇上落客,所以唔會有問題。

CIMG0050

 

出面天朗氣清,唔似有打風喎。

CIMG0053

 

高鐵桃園站離桃園機場唔係好遠,坐左15分鐘左右就到。

CIMG0060

 

入到車站先排隊買車飛先,雖然有自動售票機,但係唔見有人用,都係排隊係counter買簡單D,又唔係太耐。

CIMG0065CIMG0068

 

我地買嘅係標準車廂嘅指定席車票,由桃園去台中每位NT$540,高鐵雖然都有自由席車票,不過只係平得好少。

CIMG0071

 

入閘啦,月台只有兩個,一個北上去台北,一個南下去高雄,我地去台中當然就係南下啦。

CIMG0070CIMG0073CIMG0074

 

今次只係第二次住台灣高鐵,對上一次已經係2007年嘅事。

CIMG0081

 

入閘前係7-11買左飯團醫肚。

CIMG0085

 

沿途並唔見有落雨,不過個天就有少少陰。

CIMG0089CIMG0092

 

由桃園站去到台中站只需要38分鐘,同車票上預計嘅時一樣,我地係14:35到達台中站。

CIMG0098CIMG0099CIMG0100CIMG0101

 

台中站果然係大站,地方比桃園站大好多。

CIMG0102CIMG0103

 

車站入面有和運租車同格上租車呢兩間租車公司嘅counter,本來都預約左係呢度攞車,不過由於颱風關係最後都係取消左。

CIMG0105

 

我地係台中訂左住碧根行館,酒店係逢甲夜市,從高鐵台中站去有接駁巴士,只要有高鐵車票就可以免費坐車(優惠只係去到2012年12月31日)。接駁巴士車站係6號出口,由車站大堂落一層就係。

CIMG0104

 

如果想睇詳細D嘅接駁巴士資料,又或者想睇關於碧根行館嘅介紹同住宿評價,可以參考呢篇《住@台中碧根行館(Beacon Hotel)》,呢度唔再重複。

 

講住咁多先,台中嘅行程留返下一篇再講。

 

待續……

fb share

如果喜歡這篇文章,請點個「讚」吧!

fb share

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share