2008年秋季京阪神紅葉＋白浜溫泉之旅（第二天）II – 清水寺夜間參拜

上一次黎京都既時候按照旅遊書介紹，去過位於河源町既魚心壽司食晚餐，當時真係覺得好正好好味，所以今次諗住再去回味，不過食完覺得D材料同味道同上次好似差好遠，所以今次都唔係食左好多，亦都冇影到相。

 

魚心壽司係梅田同道頓堀有分店，如果要去，記得print埋佢張coupon出黎帶埋去，賣單時俾佢就可以有九折架啦。

 

魚心壽司河源町店coupon

魚心壽司道頓堀店coupon

魚心壽司梅田分店coupon

魚心壽司梅田總店coupon

 

食完野個天都已經入黑，我地就慢慢經袛園穿過八坂神社行去清水寺方向，由於上次去京都已經係附近行過，所以今次都冇點影相。

 

沿途好多日本女人著晒和服去參拜

 

穿過八坂神社

 

高台寺門口燈光照射下既紅葉

 

夜間參拜既吸引力睇黎真係好大，同上次日間黎果陣相比，今晚清水寺附近真可謂人山人海，入到清水寺入面果陣，更加係水洩不通，要實行潮水式既人群控制。

 

清水寺三年坂

 

中途係三年坂附近一間食店食既紅豆加年糕糖水，超好味，好味過道頓堀既夫婦善哉好多，而且只係550円，又平又好味，可惜唔記得影佢門口既相

 

清水坂

行左一大段路終於到達清水寺門口啦，入場費每人400円，包埋入內堂。

 

呢棵係清水寺入面最紅既紅葉樹，個個都爭住影。

 

打左燈既清水寺真係好靚架，不過人太多想搵個位影相都難。

 

呢張係由下面影返上去

 

夜遊清水寺大約用左2個半小時，之後坐巴士返去河源町，再坐阪急電車返梅田。

 

阪急電車

返到梅田由於時間仲早，所以再去附近行下搵下有冇好野食。

 

呢間係阪急駅與阪神駅之間條食街既章魚燒好好味架，六粒只售320円，比起道頓堀既赤鬼仲好味，而且仲平D添。

 

食完章魚燒再行多陣，又比我地係Hep Five附近條橫街發現左一間叫一風堂既拉麵店好多人排隊，段估應該幾好味。

 

排左差唔多20分鐘有得食，叫左佢既招牌拉麵，超過一千円架，比起同區其他拉麵貴成300幾円，不過真係好好味。

 

食完好好味既拉麵之後，第二日既旅程完滿結束啦，明日再戰。