《2010年新春台北之旅》- 第三天(2) – 西門町睇戲

去到西門町都係食下繼光雞、阿宗麵線呢D小食，跟住又周圍行下咁。不過因為雨太大，唔係咁想係條街行，所以選擇左去戲院睇返套戲。

去到樂聲戲院接近七點，咁啱有一場七點鐘嘅“波西傑克森：神火之賊”。問左賣票個姐姐，播影嘅影廳可以坐成一千人，而且仲有好多位剩，當然即時决定入去睇啦，因為唔係3D，票價只係NT$270，不過都貴過澳門好多。

睇完戲出黎依然仲係落緊雨，有D饑寒交迫嘅感覺，於是去左和民食日本嘢，不過味道好差，食左成千蚊台幣，又貴又唔好食。

第三天行程完結