2010年秋日本中部自駕遊 – Day 1:名古屋

2010年11月,第一次日本中部之旅,由於澳門冇機去名古屋,只有選擇從香港出發,坐嘅係國泰航空,買左三日兩夜package,來回機票加兩晚名古屋酒店每人要HK$5,300幾,算係貴。

日本中部之旅(Day1)

 

飛機從香港起飛嘅時間係上午10點半,啱啱好可以坐朝早7點半班船直接由澳門去香港機場,慳返機場稅之餘仲可以直接係機場碼頭check-in,方便快捷。

日本中部之旅(Day1)_01日本中部之旅(Day1)_02

日本中部之旅(Day1)_03

 

國泰飛機餐

日本中部之旅(Day1)_04

 

話咁快已經飛到日本中部國際空港,天氣唔錯喎。

日本中部之旅(Day1)_05

 

中部國際空港嘅國際線入境大堂地方唔算大

日本中部之旅(Day1)_06日本中部之旅(Day1)_07

 

名古屋鐵路車站就係入境大堂同一層,沿著指示行就到。

日本中部之旅(Day1)_08日本中部之旅(Day1)_09日本中部之旅(Day1)_10日本中部之旅(Day1)_13

 

坐名鐵由機場到名古屋駅車票價錢係850yen,如果要指定席,需要再購買特別車輛券,不過由於坐嘅人唔多,冇必要購買。車票可以係車站閘口出面嘅自助售票機購買,同買地鐵車票一樣。

日本中部之旅(Day1)_12日本中部之旅(Day1)_11日本中部之旅(Day1)_14日本中部之旅(Day1)_15

 

第一晚只會係名古屋留宿一晚,第二日一早就會離開名古屋開始自駕,所以呢晚係book左呢間係名古屋駅附近嘅名鉄イン名古屋桜通,間酒店當時開業冇幾耐,位置方便質素唔錯,詳細介紹可以參考呢篇住@名鉄イン名古屋桜通

日本中部之旅(Day1)_16

 

第二朝影嘅酒店外觀

日本中部之旅(Day1)_17日本中部之旅(Day1)_18

 

係酒店攪完check-in時間都唔早,所以今日剩餘嘅時間只係名古屋駅周圍行下。

日本中部之旅(Day1)_19日本中部之旅(Day1)_20日本中部之旅(Day1)_21

 

今晚晚餐食壽司,用電腦落order,仲有英文menu,不過反而唔習慣。

日本中部之旅(Day1)_22日本中部之旅(Day1)_24日本中部之旅(Day1)_23日本中部之旅(Day1)_25日本中部之旅(Day1)_26日本中部之旅(Day1)_27日本中部之旅(Day1)_28

 

– Day 1 完 –

 

Day 1到達名古屋後嘅時間唔多,冇咩行程,所以呢篇篇幅較少。以下先將今次旅程嘅行程、路線同景點整理一下。

 

 

以下係今次行程嘅主要景點係地圖上嘅位置:


在較大的地圖上查看2010年秋日本中部自駕遊

 

相關文章

fb share

如果喜歡這篇文章,請點個「讚」吧!

fb share

59 comments

  • Kevin

    你好!我想請問你還記得係名古屋,可以用電腦落柯打食壽司的店舖地址在哪裡,可否告訴我,謝謝!

  • 米笑

    想請教一下, 9月同老公第1次去名古屋8日, 想半自駕, 想去白川鄉, 下呂温泉, 立山黑部等, 其他景點未睇, 行程安排有何建議? 盡量想少轉酒店, 最後機場還車

    • Dilbert MO

      基本上同我2010年去果次差唔多, 你可以參考下.
      如果唔啱, 可以大約咁安排:
      day1 – 名古屋住宿
      day2 – 遊名古屋shopping, 住名古屋
      day3 – 租車, 名古屋去白川鄉 > 高山, 住高山
      day4 – 去上高地、新穗高, 住高山
      day5 – 高山去金澤, 遊金澤, 住金澤
      day6 – 金澤去立山, 遊立山黑部, 返回金澤住宿
      day7 – 金澤去下呂溫泉, 住下呂溫泉
      day8 – 下呂去機場(如果下午3點後飛機才可行)

  • Ms Leung

    你好, 我計劃6月14日同小朋友出發去名古屋7d, 因為第一次去名古屋,
    (1)想請教以下行程可行嗎?
    (2)如果d4高山->富山, 午飯後上立山黑部ok嗎?
    D1 : hk-名古屋
    D2: 名古屋鐵路博物館,toyota博物館,水族館
    D3: 租車->白川鄉,高山,晚住高山
    D4: 高山->富山, 住富山
    D5: 立山黑部 (至室堂折近返), 金澤, 住金澤
    D6: 金澤市內觀光, 返名古屋 住名古屋
    D7: 名古屋-hk

    • Dilbert MO

      如果由立山登山至室堂就折返, 由立山計起至返回立山有5小時應該都已經足夠, 由於高山朝早應該都有行程, 如果D4就上立山黑部會比較趕, 但太早到富山市又沒有什麼好做, 所以由高山去富山途中如果時間有多可以去多幾個景點.

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share