2010年秋日本中部自駕遊 – Day 4:宮川朝市、櫻山八幡宮、飛騨古川、誤闖雪山

今日嘅行程會先係高山遊覽宮川朝市同陣屋朝市,然後再到櫻山八幡宮,之後離開高山到飛騨古川,再經白川鄉到富山市過一夜。而係今日嘅旅程中,我地仲遇到一件驚險嘅事:誤闖雪山。想知有幾驚險,睇埋落去。

日本中部之旅(Day4)

 

尋日日間嘅天氣本來好地地,但夜晚就落起雨黎,好彩到天光雨勢停左,不過氣溫就下降左幾度,可能就係呢個氣溫驟降嘅原因,令到我地今日有落雪嘅遭遇。

日本中部之旅(Day4)_01

 

朝市當然係要一朝早去啦,先去宮川朝市,從酒店行過去並唔係好遠,6分鐘左右就到。

日本中部之旅(Day4)_05日本中部之旅(Day4)_06日本中部之旅(Day4)_07日本中部之旅(Day4)_08

 

顧名思義宮川朝市就係宮川旁邊,清早時間並唔係太多人。

日本中部之旅(Day4)_02

日本中部之旅(Day4)_03日本中部之旅(Day4)_04日本中部之旅(Day4)_09日本中部之旅(Day4)_10日本中部之旅(Day4)_11

 

行到咁上下先入去呢間食店食個早飯

日本中部之旅(Day4)_12日本中部之旅(Day4)_13日本中部之旅(Day4)_14

 

行完宮川朝市,再去埋陣屋朝市,呢度規模唔大,只有幾個攤販。

日本中部之旅(Day4)_17日本中部之旅(Day4)_18

 

顧名思義陣屋朝市旁邊就係高山陣屋

日本中部之旅(Day4)_20日本中部之旅(Day4)_19日本中部之旅(Day4)_21日本中部之旅(Day4)_22

 

行完兩個朝市,先返去酒店check-out,跟住再去埋櫻山八幡宮。

日本中部之旅(Day4)_74

日本中部之旅(Day4)_24日本中部之旅(Day4)_23日本中部之旅(Day4)_75日本中部之旅(Day4)_26日本中部之旅(Day4)_27日本中部之旅(Day4)_28日本中部之旅(Day4)_76日本中部之旅(Day4)_29日本中部之旅(Day4)_30日本中部之旅(Day4)_31日本中部之旅(Day4)_32

 

櫻山八幡宮出面咁啱有個菊花展,順便參觀下。

日本中部之旅(Day4)_33日本中部之旅(Day4)_25日本中部之旅(Day4)_38日本中部之旅(Day4)_37日本中部之旅(Day4)_35日本中部之旅(Day4)_36日本中部之旅(Day4)_39日本中部之旅(Day4)_77

 

櫻山八幡宮附近仲有高山屋台會館、櫻山日光館、獅子會館呢D展館,不過吸引力唔大,而且時間有限,所以冇入去參觀,睇完菊花展就開車離開高山去飛騨古川。

 

飛騨古川離高山市唔夠20公里,開車20分鐘就到。飛騨古川係一個小鎮仔,冇咩遊客,街上好寧靜。

日本中部之旅(Day4)_40日本中部之旅(Day4)_41日本中部之旅(Day4)_42日本中部之旅(Day4)_43日本中部之旅(Day4)_52日本中部之旅(Day4)_53

 

飛騨古川最主要景點就係呢條養左好多金魚嘅小溪

日本中部之旅(Day4)_44日本中部之旅(Day4)_45日本中部之旅(Day4)_46日本中部之旅(Day4)_51

 

溪入面養左好多魚

日本中部之旅(Day4)_47日本中部之旅(Day4)_48日本中部之旅(Day4)_49

 

如果有興趣喂下魚,可以用100日元自助買包魚糧玩下。

日本中部之旅(Day4)_50

 

附近有個小寺院

日本中部之旅(Day4)_54日本中部之旅(Day4)_55

 

買返串牛內串頂下肚先

日本中部之旅(Day4)_56日本中部之旅(Day4)_57

 

中午果餐唔可以只係食串牛肉就算,係附近搵左間小店食碗牛肉飯。

日本中部之旅(Day4)_58

 

去完飛騨古川我地下一站係計劃順路去埋白川鄉,然後再到富山市。如果要行高速公路,要先行返去高山市,再經高山清見道路同東海北陸自動車道到白川鄉。不過,我地一時貪近唔想行回頭路,選擇左行一條直接連接飛騨古川同白川鄉嘅360號國道。

 


在較大的地圖上查看360號國道

 

原來360號國道係一條係高山上嘅小路,條路彎彎曲曲一直爬到上山頂,雖然話係國道,但係條路只夠一架車通過,路嘅一邊係悬崖峭壁目瞪口呆,另一邊就係萬丈深淵目瞪口呆,旁邊嘅圍欄睇落又唔多穩陣目瞪口呆。咁嘅路就算係風和日麗嘅時候都好危險,呢日仲撞正山上落左場初雪驚訝,係毫無準備又冇雪地開車經驗嘅情況下,只有硬住頭皮以龜速前進,因為條路實際太窄,想掉頭行返落山都唔得。嚎啕大哭

 

日本中部之旅(Day4)_59日本中部之旅(Day4)_60日本中部之旅(Day4)_61日本中部之旅(Day4)_62日本中部之旅(Day4)_63日本中部之旅(Day4)_64日本中部之旅(Day4)_65

日本中部之旅(Day4)_66日本中部之旅(Day4)_67日本中部之旅(Day4)_68

 

最後我地用左個半小時總算行完呢條魔鬼山路落到山下,執返條命開懷大笑。雖然呢程路好驚險,但係山上嘅景色又真係超靚,係呢個半鐘內窗外嘅景色由綠變黃,再變紅,跟住變白,再變返紅,然後再變黃,最後變返綠,一年四季濃縮左係呢個半小時之內,一次過睇晒,超正,只可惜太過驚唔識得影多幾張相。

 

因為太驚而且山上又凍,落到山下可謂饑寒交迫,第一時間入左間便利店,食左呢世人覺得最好味嘅關東煮。

 

雖然山下就係白川鄉,但係因為經歷左一程驚險旅程,又耽誤左唔少時間,再加上山下落緊雨,所以決定改一改行程唔去白川鄉住,先去冇咁多嘢睇嘅五箇山合掌之里睇一睇,跟住就去富山投宿。

日本中部之旅(Day4)_78

日本中部之旅(Day4)_70日本中部之旅(Day4)_71

 

我地住係富山駅附近嘅コンフォートホテル富山駅前(Comfort Hotel Toyama),間酒店房間雖然細D,但質素唔錯,而且位置好方便,不過富山市都幾鄉下地方,就算火車站附近入夜之後都冇咩地方好行,食店亦唔多,今晚只係食呢D。

日本中部之旅(Day4)_72日本中部之旅(Day4)_73

 

– Day 4 完 –

相關文章

fb share

如果喜歡這篇文章,請點個「讚」吧!

fb share

7 comments

  • Dilbert MO

    從飛騨市去白川鄉如果不走360號國道, 就只能經高山清見道路行東海北陸自動車道, 其實這樣走距離雖然比360國道遠一些, 但由於是高速公路所以行車時間會快得多. 不建議你選擇360號國道.

  • Momody

    您好!請問入白川鄉,如不選擇國道360,有沒有其他途徑?因計劃12月到訪,開7人車,怕山路危險。

  • Dilbert MO

    要啊, 高山位於平湯溫泉與白川鄉之間, 如果從平湯溫泉去白川鄉, 一定要經過高山市, 再經高山清見道路進入東海北陸自動車道到白川鄉IC。

  • Anonymous

    你好, 我想問下如果由平湯溫泉去白川鄉, 自駕的話, 要吾要先駛回高山再上高速入白村鄉呢?

  • 彤彤姐姐

    謝謝!

  • Dilbert MO

    我去日本通常都是自駕, 所以沒有研究過有關火車Pass方面的資料, 提供不到建議給你啊.
    你可以在網上找找, 好像有很多Blog都有介紹日本東海北陸各種pass的文章啊. 如果不適合, 可以問問blog主請他們給你建議.

  • 彤彤姐姐

    你好!請問一下本人行程是名古屋—下呂—高山—富山—金沢—名古屋。這樣8天的行程有沒有JR PASS合適。上綱找了些資料都好像沒有完全合適的。
    請教選擇那些PASS較合適?
    萬分感謝!

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share