2007年东京公干之旅(Day 1)

由于而家仲未有澳门直航日本东京嘅班机,所以只可以经香港飞去东京(不过就算有都唔一定夹得啱时间)。今次公司同我地买左下午3点几嘅机票(点解唔买早D?),而且仲买埋中午12点半从澳门码头直去香港机场嘅机场喷射飞航船飞。

 

11点前到达码头,然后搅埋飞机check-in同行李寄仓,再系码头干等个几钟,终于上得船。今次因为要提早买船飞,所以只可以买到头等位,普通位俾旅行社hold住左,要等到船期10日前先会卖俾散客。

 

机场喷射飞航头等位嘅早餐
船上早餐

 

由澳门坐船去香港机场只需要45分钟,1点3就到左香港机场嘅海天码头,攞返HK$120机场税退税之后,就坐接驳巴士去候机大楼等上机。

 

下午3点35分飞机准时起飞,飞行时间大约3个半小时,去到日本成田空港大约系日本时间夜晚8点,不过成田空港真系好大,架飞机降落左之后行去停机位都足足行左10分钟。

 

飞机上面

飞机上

 

从飞机底部闭路电视影到地勤人员开始做嘢
飞机降落

 

8点15分落机之后,要再坐一段无人架驶小火车去入境大楼。去到见到好多人,而且外国人入境柜位又少,D日本仔留返晒D柜位俾自己人,我见D日本人一黎到好快就过左海关,而我地就排左成一个钟先入到境。而且而家又要打手指模同埋影相,影相时好多人都唔识睇位,影得唔好又要再影过,我都影左两次,而且有D机仲神神地,唔系咁work。出到去取行李时,D行李已经放晒系地下等人认领,搭咁多次飞机今次系第一次行李等人。

 

领取行李大堂

入境

 

由于同事已经系网上book左一架七人车的士,所以一到接机大堂就有个司机接机,跟住出去坐车去酒店。由机场去到位于日本桥嘅酒店只需要一个钟车程,不过去到都已经系夜晚10点45分。

 

酒店大堂

酒店大堂

 

国泰D食物真系唔系好掂,唔好食份量又少,所以系酒店check-in完就出去附近食dinner医肚先,不过因为唔系旺区,冇咩食店,最后入左去间拉面店食拉面。

 

东京第一餐就系呢度搅掂

面店门外

 

面店地方狭窄,只得十个坐位

面店2

 

面店内煮汤嘅大镬
面店1

 

我自己碗大大碗叉烧拉面,好好味,都系700円

拉面

 

食完面之后俾钱时,个煮面师傅竟然同我讲广东话,原来系广东人,我初时都已经觉得佢唔似日本仔,似系中国人,不过就估唔到佢讲广东话,好彩食面果阵冇讲佢坏话。
食完面都差唔多12点,之后去左对面间ampm便利店扫左D饮品同小食,就返酒店冲凉训觉啦。

 

我住果间酒店房
酒店房1

 

张床都算几大
酒店房2

 

冲凉房

酒店房3

 

用电插座,有埋三脚方型插座,唔洗用自己嘅转换器
酒店房4

 

呢间酒店系用锁匙开门,唔系用磁卡,真系复古
房门锁匙

 

由酒店望出去嘅景色(第二朝影)
酒店房外望

 

冲完凉之后发现原来部电视系一部电脑黎架,可以作为电视同电脑两用,仲可以有得免费上网添,咁正当然要试下先。

 

电脑键盘

房内电脑1

 

部电脑仲有得打机
房内电脑2

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share