2008年秋季京阪神红叶+白浜温泉之旅(第八天) – 黑门市场、Rinku Premium Outlet (完)
2008年12月2日
大阪 > Rinku Premium Outlet > 关西空港 > 澳门
终于到左旅程最后一日,今日会坐夜晚八点钟飞机回澳,所以仲有大半日时间可用,不过今日都冇Plan去远既地方,主要会去黑门市场买返一d只可以临上机前先可以买既生果带返澳门,然后就去最后一站 – Rinku Premium Outlet搏杀。
因为黑门市场位于难波,所以要由梅田坐地铁到心斋桥。去到心斋桥之后,先去好多人都话好食既神座拉面食早餐,不过食完觉得佢d拉面一d都唔好食,唔好话攞佢同一兰或者一风堂黎比,就算之前系梅田食既一间不知名食站既拉面都仲好食过佢。
食完早餐之后,就行过去黑门市场,因为上次去大阪时已经行过几次,所以唔洗睇地图,好快就行到目的地啦。
早上既黑门市场
当造富有柿,平均95円(大约8蚊澳门元)一个,平过澳门买好多架
买完生果之后返到酒店执埋野都系时间Check-out,因为Rinku Premium Outlet就系机场附近,所以我地会先到机场放低行李,再坐穿梭巴士去Rinku Premium Outlet。而今次我地唔坐火车,因为坐火车要行好多楼梯,黎果阵领教过,攞住大件行李都几辛苦。所以今次改坐机场巴士去机场,巴士站就系梅田大阪新阪急隔离,拖住行李行路面唔洗上上落落。去到发现原来巴士站系冇人卖飞架,只得自动售票机,单程每人1,300円。买完飞等一阵就有巴士,而且架车冇咩人坐,大把位任坐。由大阪去关西空港行阪神高速,唔洗一个钟就到。
关西空港内几个不同地点都有呢d Locker,睇下机场平面地图好容易就揾到架啦,中Size既400円一日,大Size就要400円一日,如果系26吋喼要大Size Locker先放得入。
去Rinku Premium Outlet既穿梭巴士就系地下果层(即系入境大堂果层)出面既12号乘车处,每50分钟先有一班,错过左就要慢慢等。
Rinku Premium Outlet内食左呢杯GODIVA雪糕朱古力
系Rinku Premium Outlet行左足足三个几钟,不过都系冇咩收获,一来d款唔啱,二来价钱唔系好平。六点钟返到机场Check-in,再食埋今次系日本最后一餐,就同日本暂时讲声Bye-bye啦,下次再见. . . . .
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!