2008年秋季京阪神红叶+白浜温泉之旅(第六天) – 奈良公园、春日大社、东大寺
2008年11月30日
梅田 > 奈良 > 奈良公园 > 春日大社 > 东大寺 > 心斋桥 > 梅田
今日既行程好简单,上午去左奈良睇鹿、参观春日大社同东大寺,下午系心斋桥Shopping。
由梅田去奈良,只需要坐去奈良方向既JR就可以直接去到,火车会先行大阪环状线去到天王寺站,然后再驶向奈良,唔需要转车架,车程大约一个小时。到左JR奈良站之后,可以直接坐巴士去奈良公园。
一去到奈良公园就不断见到有鹿仔,佢地一见人就走埋去问人要野食架,不过最好就唔好买鹿饼喂佢地,因为佢地好似好狼死,我地见到买饼喂佢地既人最后都系冇咩好下场–就系最后个个都比佢地吓到要掉晒手上既饼,急急脚走人囉…!
由春日大社行去东大寺途经既茶屋,佢既红豆汤都几好味架,同埋坐系佢出面一边食一边睇红叶,好有Feel。
行完东大寺之后约莫12点半,因为团友之间发生左一D争执,所以临时缩短左系奈良既行程,即时坐巴士去近铁奈良站,再坐近铁列车返去难波,车程大约都系一小时左右。
返到难波之后先揾左出名既自由轩食dinner,一试佢既招牌咖哩饭。系排队果阵个侍应埋黎先落单,但又冇餐牌睇㖞,大家鸡同鸭讲左一大轮,见佢好似好唔耐烦咁,最后好彩见到佢厨窗有sample,于是走埋去指俾佢睇先搅掂。
入到去见十个有八个都系食呢只咖哩饭,食落几香咖哩味,不过就完全唔辣,一碟饭只售650円都算几抵食。
呢日下午只有一项节目,就系心斋桥Shopping,因为心斋桥一带都黎过几次,所以并冇影相。
以下系今次旅程既主要战利品,因为剩返最后两日都唔会再大手买野,所以呢晚先影左战利品合照先,其实主要都系送礼手信,自己既反而唔多
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!