----------

----------

2008年秋季京阪神红叶+白浜温泉之旅(第二天)II – 清水寺夜间参拜

上一次黎京都既时候按照旅游书介绍,去过位于河源町既鱼心寿司食晚餐,当时真系觉得好正好好味,所以今次谂住再去回味,不过食完觉得D材料同味道同上次好似差好远,所以今次都唔系食左好多,亦都冇影到相。

 

鱼心寿司系梅田同道顿堀有分店,如果要去,记得print埋佢张coupon出黎带埋去,卖单时俾佢就可以有九折架啦。

 

鱼心寿司河源町店coupon

鱼心寿司道顿堀店coupon

鱼心寿司梅田coupon

鱼心寿司梅田coupon

 

食完野个天都已经入黑,我地就慢慢经袛园穿过八坂神社行去清水寺方向,由于上次去京都已经系附近行过,所以今次都冇点影相。

 

沿途好多日本女人著晒和服去参拜

IMG_1709_resize

 

穿过八坂神社

IMG_1726_resize

 

高台寺门口灯光照射下既红叶

IMG_1735_resize

 

夜间参拜既吸引力睇黎真系好大,同上次日间黎果阵相比,今晚清水寺附近真可谓人山人海,入到清水寺入面果阵,更加系水泄不通,要实行潮水式既人群控制。

 

清水寺三年坂

IMG_1743_resize

 

中途系三年坂附近一间食店食既红豆加年糕糖水,超好味,好味过道顿堀既夫妇善哉好多,而且只系550円,又平又好味,可惜唔记得影佢门口既相

清水寺附近糖水

 

清水坂

清水寺1
行左一大段路终于到达清水寺门口啦,入场费每人400円,包埋入内堂。

清水寺2

 

呢棵系清水寺入面最红既红叶树,个个都争住影。

IMG_1765_resize

 

打左灯既清水寺真系好靓架,不过人太多想揾个位影相都难。

清水寺3

 

呢张系由下面影返上去

清水寺4

 

夜游清水寺大约用左2个半小时,之后坐巴士返去河源町,再坐阪急电车返梅田。

 

阪急电车

阪急电车1
返到梅田由于时间仲早,所以再去附近行下揾下有冇好野食

 

呢间系阪急駅与阪神駅之间条食街既章鱼烧好好味架,六粒只售320円,比起道顿堀既赤鬼仲好味,而且仲平D添

章鱼烧

 

食完章鱼烧再行多阵,又比我地系Hep Five附近条横街发现左一间叫一风堂既拉面店好多人排队,段估应该几好味。

梅田一风堂

 

排左差唔多20分钟有得食,叫左佢既招牌拉面,超过一千円架,比起同区其他拉面贵成300几円,不过真系好好味。

一风堂拉面

 

食完好好味既拉面之后,第二日既旅程完满结束啦,明日再战。

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!