2012年双台风夹击下的台湾之旅(Day 4 – 台北故宫博物馆、华西街夜市)
虽然今次去台湾遇正两个超级台风夹击,不过系台湾几日都唔觉有咩风,今朝起身开窗一睇,出面阳光着照,睇黎个风好赶时间,走得好快播。
inHouse Hotel嘅住宿包埋早餐,系二楼Cafe Wakuwaku食,去到十点都仲有得食,可以训晏D。
inHouse Hotel只系会住一晚,今日要搬去另一间酒店-台北头等舱饭店,都系西门町,行过去就可以,酒店嘅介绍同住宿评价,可以参考呢篇《住@台北西门町头等舱饭店(Airline Inn)》。
系头等舱饭店放低行李之后,又漫无目地咁出去行下,先系捷运6号出口外面间Cold Stone食杯雪糕。
捷运出口外嘅蜘蛛侠宣传公仔
今日咁好天,决定去两个未去过嘅地方,第一个先去台北嘅国立故宫博物馆。故宫博物馆系士林区,冇捷运直达,可以先坐捷运去剑潭站、士林站或者剑南路站,再坐接驳巴士过去。我地系先坐捷运去士林站,再系站外转坐红30号公共汽车去故宫博物馆。
故宫博物馆门外嘅公共汽车站。
故宫博物馆外型,只系作为影相背景,入面同一般大厦冇分别。
入场券NT$160
故宫博物馆入面唔俾影相,所以无相睇。
行完故宫博物馆我地转坐棕20号公共汽车去美丽华食嘢,之后返酒店抖抖,夜晚就去埋另一个以前未去过嘅地方 – 华西街夜市,台北夜市剩返呢个未去过。
华西街系一条有盖嘅步行街,主要都系一D卖蛇同干货嘅店铺,夜市嘅档舖主要集中系广州街,所以指示牌只系见到广州街夜市,冇华西街夜市。
系捷运龙山寺站出闸之后,跟住广州街夜市嘅指示行就系,不过广州街夜市嘅出口好似十点就关门,如果行唔到可以行龙山去出口,出到街行去广州街就系夜市范围。
龙山去
广州街
呢间阿鸿嘅鲈鱼汤同猪脚好好味
华西街
华西街入面其实冇乜嘢好行,不过一定要入去呢间糖水店试下,佢嘅红豆粥同烧麻糬好正。
– Day 4 完 –
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!