2012年双台风夹击下的台湾之旅(计划与订房篇)

今次已经系第六次去台湾旅行,所以打算到台北以外嘅地方,原本嘅计画系到台湾中部山区嘅清境同日月潭,感受一下台湾嘅湖光山色,仲打算黎个三日两夜嘅台湾中部自驾游。点不知,买好机票之后,台湾就接连发生地震、洪水等天灾,而且系出发前一个星期,仲传黎台风压境嘅恶耗,天啊!

IMG_0709

 

被迫改行程

 

机票已经买好,想改期都唔得啦,不过又唔可以唔理台风嘅威胁,最后唯有临时变阵。首先当然系cut左自驾果part啦,因为台风之下必有暴雨,而且又传闻呢个系十年难得一见嘅超级台风,咁嘅天气之下系人生路不熟,仲要系左軚车嘅环境下开车,真系揾命黎搏。其次就系连清境嘅行程都要被迫取消埋,因为清境位处高山,每逢暴雨必会出现山泥倾泻,分分钟上得去落唔返黎。

 

虽然系清境嘅民宿已经一早系Agoda订好左,又已经俾埋钱,不过好在酒店嘅policy规定入住前嘅两日之前取消唔会有罚款,仲可以黎得切取消,最后只系蚀左少少汇率差价,都总算执返身彩。

 

本来仲想取消埋日月潭嘅行程,不过日月潭间酒店(Spa Home)黎唔切取消,因为policy规定要系7日前取消先可以免罚款,过左期限取消要收一晚住宿费用作为罚金,唉,我地都只系book左一晚房,咁嘅规定即系去唔去住都冇左呢晚钱啦。心谂冇理由咁蚀抵,照去。

 

所以最后只系cancel左去清境嘅行程,同埋唔自驾,改坐公共汽车去日月潭。今次台湾之旅嘅最终行程变为:

 

第一日:由澳门飞台湾桃园机场,坐公共汽车到桃园站转乘高铁去台中,入住台中碧根行馆,重点游览台中逢甲夜市。

第二日:坐公共汽车前往日月潭,入住日月潭Spa Home,游览日月潭各景点。

第三日:坐公共汽车返回台中转乘高铁去台北,入住台北inHouse Hotel

第四、五日:系台北hea,入住台北Airline Inn

第六日:返澳门

 

以下Google地图mark左今次旅程嘅住宿酒店同主要景点位置:


在较大的地图上查看2012年双台风夹击下的台湾之旅:酒店和主要景点位置

 

台湾订房新经验

今次台湾之旅订房嘅时候,再次考察左通过唔同渠道订房嘅价钱,发现根据以前经验得出订台湾酒店系酒店官方订房系统比较平嘅经验,而家已经唔再正确。今次嘅比较结果发现,系AgodaHotels.com呢D订房网站嘅价钱,反而比酒店官方订房系统更平,而且又有积分回赠,计落仲着数,而且订房手续比系官网订更加简单方便。

 

另外,今次因为要订清境同日月潭嘅民宿,本来以为呢类住宿一定要向民宿订,又要打长途电话过去又要汇钱,想起都麻烦,不过原来系Agoda都可以订到唔少台湾民宿,超方便。所以今次旅程嘅五间酒店,包括之后cancel左果间清境民宿,有四间系Agoda订,另一间就系Hotels.com订。系边度订平D?咁就一定要用HotelsCombined.com比较过先知啦。

 

唔识点系呢D订房网站订房?冇问题,睇下以下订房教学照住做就得啦,好Easy。

 

今次旅程入住嘅四间酒店我都各自写左住宿评价同介绍,有需要可以参考下。

 

以下系今次旅程嘅游记目录:

  1. 2012年双台风夹击下的台湾之旅(Day 1[上篇] – 乘高铁往台中)
  2. 2012年双台风夹击下的台湾之旅(Day 1[下篇] – 台中一中街商圈、台中火车站、干城车站、逢甲夜市)
  3. 2012年双台风夹击下的台湾之旅(Day 2[上篇] – 从台中到日月潭)
  4. 2012年双台风夹击下的台湾之旅(Day 2[下篇] – 日月潭)
  5. 2012年双台风夹击下的台湾之旅(Day 3 – 返回台北)
  6. 2012年双台风夹击下的台湾之旅(Day 4 – 台北故宫博物馆、华西街夜市)
  7. 2012年双台风夹击下的台湾之旅(Day 5 – 台北成人博览会、老干杯)
  8. 2012年双台风夹击下的台湾之旅(Day 6 – 旅程完结)

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!