2013年首尔赏枫自由行 – Day 6 (Part 2)：坐首尔机场火车去仁川机场，首尔再见了

离开昌德宫我地就返去明洞，打算再行多阵就坐酒店接驳巴士去首尔站坐火车到仁川机场。到首尔之后嘅第一餐食左凤雏安东酱油粉丝鸡，黎到最后一餐都系食返安东酱油粉丝鸡，不过系同一条街斜对面呢间叫安东嘅舖食。

今次冇走辣，味道果然野味好多。

Hotel Skypark嘅住客可以用优惠价买到机场火车直通车嘅车票，车票原价要8,000韩圜，而优惠价只系6,700韩圜，比坐机场巴士平好多。

决定坐机场火车除左因为价钱仲平过巴士之外，亦系考虑左公路塞车嘅因素。而且Hotel Skypark有免费穿梭巴士车住客由酒店去首尔站，唔洗自己俾钱坐车去，又悭一笔。

我地系酒店大堂买左火车票之后已经同职员讲我地要坐穿梭巴士去首尔站，D职员就叫我地坐系大堂等，到时会叫我地上车。但系到开车时间到左都唔见佢地通知，原来D职员挂住倾计，唔记得左我地等紧车，最后只有目送架穿梭巴士开走左。

好彩佢地都知系自己唔啱，帮我地叫左架停系酒店门口等客嘅的士载我地去首尔站，车费由佢地负责。真系塞翁失马焉知非福，虽然坐唔到穿梭巴士而要改坐的士，但系穿梭巴士要按设定路线行被困系塞车嘅车龙之中，而我地架的士个司机就好醒目兜路避开塞车嘅路段，反而比穿梭巴士仲早到达首尔站。

系酒店买嘅果张系一张换票证，需要去到首尔站机场火车车站嘅B2层嘅Information Desk换成正式嘅车票，坐边班车系换正式车票时先至决定。

离开车时间仲早，可以行过去乐天超市行下。

机场火车嘅直通车闸口亦设系B2层，入左闸要再坐电梯落去系B7层嘅月台。

车票并冇划位，可以随便坐。

车厢亦设有行李位

坐车冇野做食下嘢先

机场火车系仁川机场嘅车站距离机场大楼唔系好远，系室内行5-6分钟就到。

机场办理退税嘅counter，不过我地买嘢唔多，冇去搅退税。

机场候机大堂

机场候机大堂亦有一间Hello Kitty Cafe

因为真航空嘅飞机餐冇咩好食，所以上机之前去食饱饱先。

准备上机啦

– Day 6 完，行程结束 –

相关文章：

• 首尔明洞酒店推介
• 2014年韩国首尔新酒店
• 住@首尔明洞天空花园酒店(Hotel Skypark Central Myeongdong Seoul)
• 住@首尔明洞王子酒店(Prince Hotel Seoul)
• 首尔免费无线上网 (Seoul Free WiFi)
• 2013年首尔赏枫自由行 – Day 1 (Part 1)：坐真航空澳门飞首尔
• 2013年首尔赏枫自由行 – Day 1 (Part 2)：夜游清溪川首尔灯节
• 2013年首尔赏枫自由行 – Day 2 (Part 1)：土俗村人参鸡、游览景福宫
• 2013年首尔赏枫自由行 – Day 2 (Part 2)：仁寺洞、平安道猪手
• 2013年首尔赏枫自由行 – Day 3 (Part 1)：南山公园睇红叶
• 2013年首尔赏枫自由行 – Day 3 (Part 2)：巧遇首尔初雪
• 2013年首尔赏枫自由行 – Day 4 (Part 1)：德寿宫
• 2013年首尔赏枫自由行 – Day 4 (Part 2)：梨大、宏大、东大门批发市场
• 2013年首尔赏枫自由行 – Day 5 (Part 1)：广藏市场、鹭梁津水产市场
• 2013年首尔赏枫自由行 – Day 5 (Part 2)：明洞购物、景福宫烤肉
• 2013年首尔赏枫自由行 – Day 6 (Part 1)：昌德宫秘院赏红叶
• 2013年首尔赏枫自由行 – Day 6 (Part 2)：坐首尔机场火车去仁川机场，首尔再见了
• 2009年圣诞首尔之旅